დიდი ბრიტანეთი რუსი ოლიგარქებისა და კორუფციული სქემების აღმოსაჩენად ახალ მექანიზმს ნერგავს.

ახალი კანონის თანახმად,  უცხოურმა კომპანიებმა, რომლებიც  გაერთიანებულ სამეფოში ქონებას ფლობენ,  მათი ნამდვილი მფლობელები ოფიციალურ რეესტრში უნდა დააფიქსირონ. 

საზღვარგარეთის სუბიექტების რეესტრი, რომელიც დღეიდან ამოქმედდება, არის  ფართო ეკონომიკური დანაშაულის აღმოფხვრის კანონის ნაწილი, რომელიც ამოქმედდა წელს რათა შეაჩეროს უკანონო რუსული ფულის ნაკადი მოსკოვის უკრაინაში შეჭრის შემდეგ.

"საეჭვო სიმდიდრის მქონე კორუმპირებული ელიტებისაგან თავისუფალნი რომ ვიყოთ, რომ ვიცოდეთ ვის რა ეკუთვნის.ჩვენ ვხსნით ფარდას იმ კრიმინალებს, რომლებიც ცდილობენ თავიანთი უკანონოდ მოპოვებული სიმდიდრის დამალვას,“- განაცხადავ ეკონომიკის მინისტრმა მარტინ კალანანმა.

მათ, ვინც არ დაიცავს ახალ წესებს, შეიძლება დაემუქროს სანქციები, მათ შორის ჯარიმა 2500 ფუნტამდე ($3,043) დღეში ან ხუთი წლით თავისუფლების აღკვეთა.

რეესტრი აღწერილია, როგორც ეკონომიკური დანაშაულის შესახებ კანონის მნიშვნელოვანი დებულება, საერთაშორისო გამჭვირვალობის ოფიციალურმა წარმომადგენელმა მარტში  ამ ნაბიჯს „სეისმური ცვლილება“ უწოდა.

კანონი მარტში შემოიღეს, რათა გართულდეს რუსეთის პრეზიდენტ ვლადიმერ პუტინთან დაახლოებული პირების ფულის გათეთრება ლონდონში.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს