2022-07-30 15:02:32, 1132 ნახვა
მსოფლიო
რუსეთის საელჩო - აზოვის მებრძოლები დამამცირებელ სიკვდილს იმსახურებენ
აზოვის მებრძოლები დამამცირებელ სიკვდილს იმსახურებენ,- ამის შესახებ განცხადებას დიდ ბრიტანეთში რუსეთის საელჩო ავრცელებს.
საელჩოს განცხადებით, ჯარისკაცები სიკვდილით დასჯას ჩამოხრჩობით იმსახურებენ.
„აზოვის მებრძოლები სიკვდილით დასჯას იმსახურებენ, თუმცა არა იარაღით, არამედ ჩამოხრჩობით, რადგან ისინი ნამდვილი ჯარისკაცები არ არიან. ისინი დამამცირებელ სიკვდილს იმსახურებენ",- აღნიშნულია განცხადებაში.
ამასთან, განცხადებას თან ახლავს Twitter-ის გაფრთხილებაც, რომლის თანახმადაც, ის არღვევს წესებს სიძულვილით მოტივირებული ქცევის შესახებ. თუმცა მაღალი საზოგადოებრივი ინტერესის გამო, ხელმისაწვდომი რჩება.
ავტორი: ექსპრესნიუსი,
epn.ge (@expressnews.ge)
