ლუგანსკის ოლქის სამხედრო ადმინისტრაციის ხელმძღვანელმა, სერგეი გაიდაიმ განაცხადა, რომ ლისიჩანსკიდან უკრაინული ძალების გაყვანის გადაწყვეტილება იყო "ძალიან რთული", მაგრამ  სწორი, თუ გავითვალისწინებთ იმ დანაკარგს, რასაც დარჩენის შემთხვევაში მიიღებდნენ. 

შესაბამისად, რუსეთმა ახლა აიღო კონტროლი ლისიჩანსკზე,  აღმოსავლეთ უკრაინის ლუგანსკის ოლქის ბოლო ქალაქზე,  რომელიც ჯერ კიდევ უკრაინის კონტროლის ქვეშ იყო. 

”იყო შანსი, რომ ლისიჩანსკი უფრო დიდხანს გამეჩერებინა, მაგრამ რა ფასად? გასაგებია, რომ ძალიან მტკივნეულია, ძალიან რთულია, მაგრამ ახლა ბიჭები ცოცხლები არიან, ტექნიკა ხელუხლებელია, ყველას შეუძლია რუსეთის არმიის წინააღმდეგ ბრძოლის გაგრძელება",- განაცხადა ხელმძღვანელმა.

გაიდაიმ ასევე მოუწოდა დასავლეთს მეტი მხარდაჭერისკენ და აღიარა, რომ რუსეთსთავდასხმისთვის წარმოუდგენელი რაოდენობის სამხედრო ტექნიკა ჰქონდათ განლაგებული. 

”მათ განალაგეს წარმოუდგენელი რაოდენობის სამხედრო ტექნიკა თავდასხმისთვის, იყო ყოველდღიური დაბომბვა დილიდან საღამომდე და ათასობით ცალი ტექნიკა და ათასობით ახალი ქვემეხის საკვები მიტანილი მათ პოზიციებზე. ჩვენი დამცველები გააგრძელებენ ბრძოლას და დაველოდებით, სანამ არ მივიღებთ საკმარის რაოდენობას უცხოურ იარაღს, რათა შევძლოთ მტრის შეჩერება, რადგან, სამწუხაროდ, ამ მომენტში არტილერიაში უპირატესობა უბრალოდ უზარმაზარია რუსების მხრიდან",- აღნიშნა მან. 

გაიდაიმ დასძინა, რომ უკრაინა გააგრძელებს დაკარგული ტერიტორიის აღდგენას. ”მე აბსოლუტურად დარწმუნებული ვარ, რომ ჩვენ დავიბრუნებთ ლუგანსკის ოლქს,” - თქვა მან.

ცნობისთვის, 3 ივლისს ცნობილი გახდა, რომ მძიმე ბრძოლების შემდეგ უკრაინის ჯარებმა  ლუგანსკის ოლქის ლისიჩანსკში პოზიციები და ხაზები დატოვეს.  უკრაინის სამხედროებმა გამოაცხადეს, რომ  "იძულებული გახდნენ" დაეტოვებინათ კრიტიკული ქალაქიდან. გენერალურმა შტაბმა ხაზგასმით აღნიშნა, რომ წარმატებისთვის ფოლადის ნება და პატრიოტიზმი საკმარისი არ არის - საჭიროა მატერიალურ-ტექნიკური რესურსები.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე