გაერთიანებული სამეფო უკრაინას დამატებით 1 მილიარდი ფუნტ სტერლინგის სამხედრო დახმარებას გაუწევს,- აცხადებს ბრიტანეთის პრემიერ-მინისტრი ბორის ჯონსონი.

უკრაინის ომის დაწყებიდან დღემდე, ბრიტანეთის მიერ გაწეული  სამხედრო დახმარება 2,3 მილიარდ ფუნტ სტერლინგს შეადგენს. ბრიტანეთმა ასევე გამოყო 1,5 მილიარდი ფუნტი უკრაინის ჰუმანიტარული და ეკონომიკური მხარდაჭერისათვის.

" ბრიტანეთის მიერ გაწეული დახმარება სრულად ცვლის უკრაინის თავდაცვას,"- აცხადებს ჯონსონი.

უკრაინის პრეზიდენტმა ზელენსკიმ ნატო-ს ლიდერებს მოუწოდა მეტი გაეკეთებინათ უკრაინის ომის ფონზე. მისივე თქმით, უკრაინის თავდაცვის ყოველთვიური ღირებულება დაახლოებით 5 მილიარდი დოლარია. 

დიდი ბრიტანეთი მხოლოდ აშშ-ს ჩამორჩება უკრაინის სამხედრო დახმარების კუთხით - აშშ-მა ცოტა ხნის წინ დაამტკიცა 40 მილიარდი დოლარის მხარდაჭერის პაკეტი.

ბრიტანეთის ახალი დახმარება მოხმარდება "დახვეწილი საჰაერო თავდაცვის სისტემების", თვითმფრინავების, ელექტრონული ომის აღჭურვილობისა და "ათასობით სასიცოცხლო მნიშვნელობის ნაკრების" შეძენას,- განმარტა დიდი ბრიტანეთის მთავრობამ.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე