საბაჟოს თანხმობის გარეშე პორტს რაც უნდა სურვილი ჰქონდეს, პორტიც კერძო სუბიექტია კერძო სუბიექტების სურვილების მიუხედავად, ეს ტვირთი, რა თქმა უნდა ვერ მოხვდება საქართველოში და საბაჟო სივრცეში.- ასე ეხმაურება ეკონომიკის მინისტრი ლევან დავითაშვილი გავრცელებულ ინფორმაციას ბათუმის ნავსადგურში სანქცირებულ კომპანიის საქონლით დატვირთული გემის შესვლის შესახებ.

მისივე თქმით, საქართველოში არცერთი ფაქტი სანქციების ან გვერდის ავლის, ან სანქციების დარღვევის არ ყოფილა

"ამაზე იყო ძალიან ბევრი სპეკულაცია და, სამწუხაროდ, ხდება ისე, რომ ნებისმიერი საკითხი, რომელიც შეიძლება ეხებოდეს დღეს სანქციებს, ხდება ხოლმე არასწორი ინტერპრეტირების საგანი. კერძოდ, ის, რომ დღეს ბათუმის ნავსადგურში არსებული გემი შემოვიდა სანქცირებულ კომპანიასთან გაფორმებული ტვირთით, კონტრაქტით და შესაბამისად მისგან მიღებული ტვირთით, ეს ფაქტია. ჩვენ დოკუმენტები შევისწავლეთ, შესაბამისად, საბაჟო ორგანოები იღებენ გადაწყვეტილებას იმ პასუხისმგებლობით, რომელიც მათ გააჩნიათ.  საქართველოში არცერთი ფაქტი სანქციების ან გვერდის ავლის, ან სანქციების დარღვევის არ ყოფილა, ამ შემთხვევაშიც ასე იქნება.სურვილი ერთია, რომ ვიღაცას შეიძლება ჰქონდეს საქართველოში ასეთი პროდუქტების შემოტანის, მათი მოტივაცია თქვენ შეგიძლიათ გაარკვიოთ, ჰკითხოთ ტვირთის მფლობელს. საქართველოს სახელმწიფო უწყებები მოქმედებენ მაქსიმალური პასუხისმგებლობით და დღეს საბაჟო ორგანოებს არ გაუციათ არანაირი თანხმობა ასეთი ტვირთის მიღებაზე. შესაბამისად,საბაჟოს თანხმობის გარეშე პორტს რაც უნდა სურვილი ჰქონდეს, პორტიც კერძო სუბიექტია კერძო სუბიექტების სურვილების მიუხედავად, ეს ტვირთი, რა თქმა უნდა ეს, ვერ მოხვდება საქართველოში და საქართველოს საბაჟო სივრცეში". – განაცხადა მინისტრმა.

შეგახსენებთ, რომ გავრცელებული ინფორმაციით, ბათუმის ნავსადგურში სანქცირებულ კომპანიის საქონლით დატვირთული გემი შევიდა.

ავტორი: ექსპრესნიუსი,

სოციალური ქსელები

შსს: ხორავას ქუჩაზე 4 პირი დაჭრეს, ერთ-ერთი არასრულწლოვანი კლინიკაში გარდაიცვალა

იუმორისტ ონისე ოქრიაშვილს სახლთან 3 პირი ფიზიკურად გაუსწორდა

თბილისში, ვერაზე სროლა იყო - არსებული ინფორმაციით, დაჭრილია 3 ახალგაზრდა

ოლიგარქის სასამართლომ ევროკავშირისა და დასავლელი დიპლომატებისთვის „საბოტაჟის“ საქმეზე დასწრება აკრძალა