შვედეთის ყოფილი პრემიერ-მინისტრი და საგარეო ურთიერთობათა ევროპული საბჭოს თანათავმჯდომარე კარლ ბილდტი დღეს კიევის დაბომბვას შემთხვევით არ მიიჩნევს.

მისი აზრით, ეს არის მიზანმიმართული ესკალაცია და სიგნალს აგზავნის G7-ის სამიტზე, რომელიც დღეს ელმაუში გაიხსნება.
G7-ის სამიტი კვირას გერმანიის ბავარიაში გაიმართება და უკრაინის ომი ლიდერთა შეხვედრის მნიშვნელოვანი თემა იქნება.
რუსული ოქროს ექსპორტი აღარ დაიშვება დიდ ბრიტანეთში, კანადაში, აშშ-სა და იაპონიაში, მკაცრი ახალი ზომების გამო, რომელიც  G7-ის სამიტზე გამოცხადდება,- წერს გავლენიანი გამოცემა Bloomberg.

უკრაინის დედაქალაქ კიევზე რუსული სარაკეტო  თავდასხმის შედეგად დაშავებული ორი ადამიანი საავადმყოფოში გადაიყვანეს, სამაშველო ოპერაცია გრძელდება. ამის შესახებ ინფორმაციას კიევის მერი ვიტალი კლიჩკო ავრცელებს.

მისივე თქმით, დაშავებულების ჯანმრთელობის მდგომარეობა დამაკმაყოფილებელია. შევჩენკოვსკის რაიონში საცხოვრებელი კორპუსის ნანგრევებიდან შვიდი წლის გოგონა ამოიყვანეს. 

"მეგობრებო! შევჩენკოს რაიონში მდებარე საცხოვრებელ კორპუსში, რომელსაც რაკეტა მოხვდა, სამძებრო-სამაშველო სამუშაოები გრძელდება. ნანგრევების ქვეშ არიან ადამიანები. ზოგიერთი მაცხოვრებლის ევაკუაცია განხორციელდა, ორი დაშავებული საავადმყოფოში გადაიყვანეს. მაშველები აგრძელებენ მუშაობას, ექიმები მუშაობენ ადგილზე, შევჩენკოს რაიონში საცხოვრებელი კორპუსის ნანგრევებიდან შვიდი წლის გოგონა ამოიყვანეს, ის ცოცხალია,“, - განაცხადა კლიჩკომ.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე