რუსეთმა ფრონტებზე ახალი სატანკო ქვედანაყოფები და ტაქტიკური ჯგუფები განათავსა. ამის შესახებ ინფორმაციას უკრაინის გენერალური შტაბი ავრცელებს.

მათივე ინფორმაციით,  ვოლინისა და პოლისიის ფრონტებზე ბელორუსის რესპუბლიკის შეიარაღებული ძალები ატარებენ " სამობილიზაციო წვრთნებს " გომელის ოლქში (ბელორუსია), უკრაინის სახელმწიფო საზღვართან, 2022 წლის 22 ივნისიდან 1 ივლისამდე.წვრთნების ფარგლებში ბელორუსის სპეცოპერაციების ქვედანაყოფები რუსეთის ფედერაციის შეიარაღებული ძალების სამხედრო ინსტრუქტორებთან ერთად ივარჯიშებენ. განსაკუთრებული ყურადღება დაეთმობა დივერსიულ და სადაზვერვო საქმიანობას.

'დონეცკის ფრონტზე რუსეთის ძირითადი ძალისხმევა მიმართულია ქალაქ სევიეროდონეცკზე სრული კონტროლის დამყარებაზე, თავდასხმის ოპერაციების ჩატარებაზე ლისიჩანსკში უკრაინული ჯარების ალყაში მოქცევის მიზნით და უკრაინული ძალების მიწოდების მთავარი მარშრუტების გადაკეტვაზე,"- ვკითხულობთ ანგარიშში.

 გავრცელებული ინფორმაციით, რუსეთის შავი ზღვის ფლოტის გემები აგრძელებენ საომარი მოქმედებების ზონის იზოლირებას და დაზვერვას შავი და აზოვის ზღვების წყლებში . რუსეთი აგრძელებს შავი ზღვის ჩრდილო-დასავლეთ ნაწილში მშვიდობიანი მოსახლეობის ბლოკირებას.ხუთი საზღვაო საკრუიზო რაკეტების მატარებელი (აღჭურვილი 40-მდე კალიბრის ტიპის საკრუიზო რაკეტებით) მზადაა შავ ზღვაზე სარაკეტო შეტევების განსახორციელებლად.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე