გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი, სოფლის მეურნეობის სახელმწიფო ლაბორატორიის დირექტორთან, ირაკლი გულედანთან ერთად, ამბროლაურის ლაბორატორიაში იმყოფებდა. ინფორმაციას ამის შესახებ გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, ლაბორატორიაში გამართულ შეხვედრაზე, მონაწილეებმა ამბროლაურის ლაბორატორიაში მიმდინარე კვლევების მნიშვნელობისა და საჭიროების საკითხებზე იმსჯელეს და ლაბორატორიის შესაძლებლობები განიხილეს.

„ჩვენი რეგიონული ლაბორატორიების საერთაშორისო სტანდარტის შესაბამისად ფუნქციონირება, ადგილობრივი მოსახლეობისთვის შესაბამისი კვლევებით მომსახურების უზრუნველსაყოფად, უაღრესად მნიშვნელოვანია. განსაკუთრებით მინდა აღვნიშნო, რომ ბოლო წლებში, ინტენსიური მუშაობის შედეგად, თაფლის კვლევის კომპონენტი ლაბორატორიებში აქტიურად ინერგება. ჩვენი ლაბორატორიული ქსელი ევროკავშირის მოთხოვნებს აკმაყოფილებს, რაც ქართული პროდუქციის ევროკავშირის ბაზარზე ექსპორტის ხელშეწყობისთვის უმნიშვნელოვანესი ფაქტორია ”, - განაცხადა სოლომონ პავლიაშვილმა.

სამინისტროს ინფორმაციით, ლაბორატორიაში გამართულ სამუშაო შეხვედრას სახელმწიფო რწმუნებული რაჭა-ლეჩხუმსა და ქვემო სვანეთში პაპუნა მარგველიძე, ამბროლაურის მუნიციპალიტეტის მერი ზვიად მხეიძე, სურსათის ეროვნული სააგენტოს და სოფლის განვითარების სააგენტოს რაჭა-ლეჩხუმისა და ქვემო სვანეთის რეგიონული სამმართველოების და ამბროლაურის ლაბორატორიის წარმომადგენლები ესწრებოდნენ.

რაჭის რეგიონში, მეწარმეებთან შეხვედრები გადამმუშავებელ საწარმოში „გეო-ფლაუერსი" და თაფლის საწარმოში „რაჭის ნატურალური პროდუქტები" გაიმართა.

ავტორი: NS (სტატია დაფინანსებულია),

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება