უკრაინის საგარეო საქმეთა მინისტრი დმიტრო კულება აცხადებს, რომ პარტნიორმა ქვეყნებმა ომში მყოფი ქვეყნისთვის მძიმე იარაღის მიწოდების პროცესი უნდა დააჩქაროს.

მინისტრის თქმით, უკრაინამ რუსეთთან ომში დაამტკიცა, რომ შეუძლებელი შეუძლია.

"უკრაინამ დაამტკიცა, რომ შეუძლებელი შეუძლია და ყველა პროგნოზის მიუხედავად, მოიგო მნიშვნელოვანი ბრძოლები კიევისთვის, ჩერნიგოვისთვის, სუმისა და ხარკოვისთვის. წარმოიდგინეთ, რა შეუძლია უკრაინას საკმარისი იარაღით. მოვუწოდებ პარტნიორებს, მიზნად უკრაინის გამარჯვება დაისახონ და დააჩქარონ მძიმე იარაღის მიწოდების პროცესი"-განაცხადა კულებამ.

 შეგახსენებთ, რომ უკრაინის პრეზიდენტის, ვოლოდიმირ ზელენსკის, ოფისის მრჩეველი, მიხაილო პოდოლიაკი, Twitter-ზე წერს, რომ უკრაინას ომის დასასრულებლად კონკრეტული მძიმე იარაღის გარკვეული რაოდენობა სჭირდება. პოდოლიაკი წერს, რომ 15 ივნისს ბრიუსელში თავდაცვის მინისტრების საკონტაქტო ჯგუფის შეხვედრისაგან ქმედით ნაბიჯებს ელის.
"პირდაპირი, რომ ვიყო - ომის დასასრულებლად ჩვენ გვჭირდება მძიმე იარაღის თანაფარდობა:
1000 ჰაუბიცის კალიბრი 155 მმ;300 MLRS; 500 ტანკი;
2000 ჯავშანმანქანა;1000 დრონი. 15 ივნისს ბრიუსელში თავდაცვის მინისტრების საკონტაქტო ჯგუფის შეხვედრა გაიმართება. ველოდებით გადაწყვეტილებას."- აღნიშნა უკრაინის პრეზიდენტის მრჩეველმა.

ავტორი: ექსპრესნიუსი,

სოციალური ქსელები

რუსეთის საგარეო საქმეთა სამინისტრომ საქართველოს ხელისუფლებას რუსოფობიის თავიდან აცილებისკენ მოუწოდა

რუსეთი საქართველოსა და მოლდოვას ოკუპირებული რეგიონებისთვის მოქალაქეობის მინიჭების საფასურს ცხრაჯერ შეამცირებს

ზახაროვა: დიპლომატიური ურთიერთობების აღდგენის ინიციატივა საქართველოდან უნდა მოდიოდეს

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა