რუსეთი აგრძელებს შეტევას დონბასში და სურს გაანადგუროს იქ ყველა ქალაქი, როგორც ეს ვოლნოვახასა და მარიუპოლში გააკეთა,- ამის შესახებ უკრაინის პრეზიდენტმა ვოლოდიმირ ზელენსკიმ მორიგ ვიდეომიმართვაში განაცხადა.

ზელენსკის თქმით, ნგრევა და მწუხარება ერთადერთია, რისი მიცემაც რუსეთს მეზობლებისთვის შეუძლია.

„რუსეთს სურს გაანადგუროს დონბასის ყველა ქალაქი. თითოეული. და ეს არ არის გადაჭარბებული. ვოლნოვახასა და მარიუპოლისავით. მთელი ეს ნანგრევები ოდესღაც ბედნიერ ქალაქებში, ხანძრის შავი კვალი, აფეთქებების კრატერები - ეს არის ყველაფერი, რაც რუსეთს შეუძლია მისცეს თავის მეზობლებს, ევროპას, მსოფლიოს. შესაძლოა, ეს არის ნებისმიერი სახელმწიფოს სრული დეგრადაციის უსწრაფესი მაგალითი, გზა, რომელიც რუსეთის სახელმწიფომ გაიარა 107 დღეში“, - განაცხადა ზელენსკიმ.

გარდა ამისა, პრეზიდენტმა აღნიშნა, რომ უკრაინელი დამცველები ყველაფერს აკეთებენ თავიანთი სამშობლოს დასაცავად, შესაძლებლობებიდან და არსებული იარაღიდან დაწყებული. ამასთან, ზელენსკიმ ყურადღება გაამახვილა იმაზე, რომ ხელისუფლება კვლავ აგრძელებს მოლაპარაკებებს დასავლელ პარტნიორებთან საჭირო იარაღის მიწოდების შესახებ.

შეგახსენებთ, რომ მანამდე ზელენსკიმ განაცხადა, რომ უკრაინის ომის დროს რუსეთის ფედერაციამ უკვე 400-მდე სხვადასხვა საერთაშორისო ხელშეკრულება დაარღვია.

ავტორი: ექსპრესნიუსი,

სოციალური ქსელები

ზახაროვა: დიპლომატიური ურთიერთობების აღდგენის ინიციატივა საქართველოდან უნდა მოდიოდეს

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა

პროკურატურა 4 ოქტომბრის საქმეზე გიორგი კირვალიძის საპროცესო შეთანხმების გაუქმებას ითხოვს

საქართველოს კინოცენტრი: ლოკარნოს კინოფესტივალზე ფილმი „ცრემლსადენი გაზი“ არ დაგვიბლოკავს