ევროპაში ვიცით დაშოშმინების ფასი, რომლის გადახდაც დაკარგული თაობებით ხდება. - განაცხადა ევროპარლამენტის პრეზიდენტმა რობერტა მეცოლამ.

მისივე თქმით, მე ვარ პოლიტიკოსი და მე მესმის რეალპოლიტიკა, მე მესმის შესაძლებლობების ხელოვნება.

"მე ვარ პოლიტიკოსი და მე მესმის რეალპოლიტიკა, მე მესმის შესაძლებლობების ხელოვნება, მაგრამ მე ასევე მესმის, რომ პუტინი არ გაჩერებულა ყირიმში და ის არ გაჩერდებოდა კიევში. ამიტომ, როდესაც ჩვენ ვიბრძვით მშვიდობისთვის, ეს უნდა იყოს ნამდვილი მშვიდობა. მშვიდობა თავისუფლებით, ღირსებით, სამართლიანობითა და ანგარიშვალდებულებით. ევროპაში ჩვენ ვიცით დაშოშმინების ფასი, ჩვენ ვიცით კედლებისა და რკინის ფარდების წონა. ჩვენ ვიცით, რომ ზურგის შექცევის ფასის გადახდა გათელილი სიცოცხლეებითა და დაკარგული თაობებით ხდება. ამიტომაც, ეს არის ჩვენი მომენტი, ეს არის ევროპის დრო. როგორ შეაფასებს ისტორია ჩვენს ქმედებებს? წაიკითხავენ მომავალი თაობები ავტორიტარიზმზე დემოკრატიის ტრიუმფის შესახებ? მულტილატერალიზმის იზოლაციონიზმზე? არამგონია. ეს არის დამოკიდებული ჩვენზე და იმ გადაწყვეტილებებზე, რომლებსაც ახლა ვიღებთ". - ნათქვამია განცხადებაში.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს