ლუგანსკის რეგიონში ვითარება გარკვეულწილად გაუარესდა,- ამის შესახებ ლუგანსკის რეგიონული სამხედრო ადმინისტრაციის ხელმძღვანელმა, სერგეი გაიდაიმ განაცხადა.

გაიდაის თქმით, ოკუპანტები ინტენსიურად უტევენ სევეროდონეცკს და ლისიჩანსკს.

„ბრძოლები, შეიძლება ითქვას, დინამიურად მიმდინარეობს: ჩვენმა დამცველებმა შეძლეს კონტრშეტევის განხორციელება, მათ გაათავისუფლეს თითქმის ნახევარი ქალაქი. თუმცა, ახლა ჩვენთვის ისევ ცოტათი გაუარესდა სიტუაცია“, - განაცხადა გაიდაიმ.

გარდა ამისა გაიდაიმა ასევე აღნიშნა, რომ ლუგანსკის რეგიონის მრავალი ქალაქის მდგომარეობა ახლა მარიუპოლს ჰგავს: ქალაქი შასტიეს 90%-ი , პოპასნას 80%-ი და რუბიჟნე განადგურებულია. „ახლა ანგრევენ სევეროდონეცკს და პარალელურად ლისიჩანსკს. მათ აქვთ ერთი ტაქტიკა - წაშალონ ყველაფერი დედამიწიდან, რათა არ იყოს რაიმე დასაყრდენი. ისინი ყველაფერს ანადგურებენ: საცხოვრებელ კორპუსებს, ჰუმანიტარული დახმარების ცენტრებს. გუშინწინ უბრალოდ გვესროლეს. 30-ზე მეტი დარტყმა განახორციელეს შენობაზე, სადაც ჰუმანიტარული შტაბი გვქონდა, სადაც ხალხს შეეძლო, ევაკუაციის შესახებ გაეგო“, - განაცხადა რეგიონის ხელმძღვანელმა.

გაიდაის თქმით, სევეროდონეცკსა და ლისიჩანსკში დაახლოებით 15000 მოსახლე რჩება. ამავდროულად, მუდმივი დაბომბვის გამო, სევეროდონეცკიდან მშვიდობიანი მოსახლეობის ევაკუაცია შეუძლებელია.

შეგახსენებთ, რომ  24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა