საქართველოსა და მოლდოვას უნდა ესმოდეთ, რომ თუ უკრაინას გატეხდნენ, საქართველოსაც და მოლდოვასაც გატეხდნენ. - განაცხადა უკრაინის პრეზიდენტის ოფისის მრჩეველმა, მიხაილო პოდოლიაკმა "ფორმულასთან".

მისივე თქმით, ყველამ უნდა წარმოიდგინოს ის საშინელი გარემოება, რაც უკრაინის დაცემას შეიძლება მოყვეს.

"საქართველოსა და მოლდოვას უნდა ესმოდეთ, რომ თუ უკრაინას გატეხდნენ, საქართველოსაც და მოლდოვასაც გატეხდნენ. მუხლებზე დააყენებდნენ და იტყოდნენ, საკუთარ თოქ-შოუებში როგორც ამბობენ ხოლმე, რომ დავხოცეთ ქართველი და მოლდოველი ფაშისტები ტანკებით ერთ-ორ-სამ დღეში, ყვავილებით გვხვდებიან. შეიქმნებოდა მთელი ბანაკი პოსტსაბჭოთა სივრცეში, განადგურებული ქალაქები. ეს სურათი ყველამ უნდა წარმოიდგინოს. მინდა, რომ ევროპასა და საქართველოში ყველამ წარმოიდგინოს, ასეთი სურათი იქნებოდა: მავთულხლართები, საკონცენტრაციო ბანაკები, სადაც რუსი დგას და თბილისის უნივერსიტეტის პროფესორს ეუბნება, როგორ შეაფასოს პროცესები". - განაცხადა პოდოლიაკმა.

გახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

ავტორი: ექსპრესნიუსი,

სოციალური ქსელები

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი