რუსი ოკუპანტების მიერ ხარკოვის დაბომბვას 5 თვის ბავშვის სიცოცხლე ემსხვერპლა. აღნშნულის შესახებ ინფორმაციას  უკრაინის ეროვნული პოლიციის უფროსი იგორ კლიმენკო ავრცელებს.

კლიმენკოს თქმით, რუსული არმია აგრძელებს უკრაინელი ბავშვების მკვლელობას და ოჯახების განადგურებას.

„როდესაც დაბომბვა დაიწყო, ქუჩაში ახალგაზრდა ოჯახი დადიოდა: ცოლ-ქმარი, რომლებსაც ხელში 5 თვის ბავშვი ეჭირათ. მამაკაცი მაშინვე გარდაიცვალა, ქალი კრიტიკულ მდგომარეობაში საავადმყოფოში გადაიყვანეს. მოგვიანებით პოლიციამ ბავშვის ცხედარი იპოვა. აფეთქების ტალღამ ბავშვი მამის ხელებიდან სადარბაზოს სახურავზე ააგდო“,- წერს კლიმენკო.

გარდა ამისა, პოლიციის უფრსმა ასევე აღნიშნა, რომ დაბომბვის შედეგად 8 ადამიანი დაიღუპა, ხოლო 17 დაშავდა.

„ჩვენი მოვალეობაა მტერს პასუხი გავცეთ მის დანაშაულებზე. ჩვენ აუცილებლად ვაპირებთ ამის გაკეთებას“,- დასძინა კლიმენკომ.

შეგახსენებთ, რომ  24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს