მარიუპოლში ქალაქის გაწმენდისას თითოეული შენობის ნანგრევებში, დაახლოებით, 80-100 ადამიანის ცხედარი იპოვეს,- ამის შესახებ ინფორმაციას მარიუპოლის მერის მრჩეველი პეტრ ანდრიუშჩენკო Telegram-ით ავრცელებს.

ანდრიუშჩენკოს თქმით, უცნობი დაღუპულების ცხედრები ბინებში რჩება, ვინაიდან ოკუპანტები დაკრძალვის ფლებას ჯერ კიდევ არ აძლევენ. ამიტომ, ადგილობრივები ბინის შესასვლელ კარზე, არა გარდაცვალების, არამედ გვამის აღმოჩენის თარიღს წერენ.

 „ადამიანებმა ქალაქში გადაადგილება დაიწყეს და ყველა საშინელება ნახეს, სრული ნგრევა. ახლა მთლიანი სურათი მათ თვალწინაა. მათი ფსიქიკა ვერ იტანს  „რუსული სამყაროს სიხარულს". - წერს ანდრიუშჩენკო.

გარდა ამისა, მერის მრჩეველმა ასევე აღნიშნა, რომ არსებობს საფუძვლიანი ეჭვი, იმისა, რომ  მარიუპოლში ადამიანური დანაკარგების ოფიციალური მაჩვენებლები არ ემთხვეოდეს რეალურს.

ამასთან, 13 აპრილს ომბუდსმენმა ლუდმილა დენისოვამ განაცხადა, რომ დონეცკის ოლქის ადმინისტრაციის წინასწარი მონაცემებით, იმ დროს ქალაქ მარიუპოლში უკვე დაიღუპა 20 000-დან 22 000-მდე მოქალაქე.

შეგახსენებთ, რომ 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსეთის სამხედრო ძალებმა უკრაინაზე სხვადასხვა მიმართულებიდან დაიწყეს შეტევა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია