საქართველოს თავდაცვის ძალებში შვიდკაცა რაგბიში და ლელობურთში ტურნირი დასრულდა. თამაშებში, რომელიც გორის რაგბის სტადიონზე მიმდინარეობდა, თავდაცვის ძალების სხვადასხვა ქვედანაყოფებისგან დაკომპლექტებული რვა გუნდი იღებდა მონაწილეობას. ამის შესახებ ინფორმაციას თავდაცვის სამინისტრო ავრცელებს. 

შვიდკაცა რაგბიში პირველი ადგილი IV ქვეითი ბრიგადის ნაკრებმა დაიკავა, ხოლო მეორე და მესამე ადგილები I და III ქვეითი ბრიგადის გუნდებმა გადაინაწილეს. ლელობურთში პირველ ადგილს III ქვეითი ბრიგადის ნაკრები დაეუფლა, მეორე ადგილს - VI საარტილერიო ბრიგადა, ხოლო მესამე ადგილი II ქვეითმა ბრიგადამ დაიკავა. 

უწყების ცნობით, ფინალურ თამაშს საქართველოს თავდაცვის მინისტრის მოადგილე გიორგი ხაინდრავა, თავდაცვის ძალების აღმოსავლეთის სარდალი, ბრიგადის გენერალი როლანდ ძნელაძე, გორის მერი ვლადიმერ ხინჩეგაშვილი და რაგბის კავშირის წარმომადგენლები დაესწრნენ. მათ გამარჯვებულ გუნდებს სამ საპრიზო კატეგორიაში შესაბამისი მედლები და თასი გადასცეს. ტურნირში მონაწილე რვა გუნდიდან შეირჩა 12 მოთამაშე, რომლებიც უწყების სახელით 2022 წლის ივნისში, საფრანგეთში დაგეგმილ ჯარებს შორის შვიდკაცა რაგბის მსოფლიო ჩემპიონატში მონაწილეობის მისაღებად გაემგზავრება. 

საქართველოს თავდაცვის ძალებში შვიდკაცა რაგბიში და ლელობურთში ტურნირი თავდაცვის სამინისტროს სპორტული ღონისძიებების სამსახურისა და რაგბის კავშირის ორგანიზებით ჩატარდა.

ავტორი: NS (სტატია დაფინანსებულია),

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები