რუსეთის ხელმძღვანელობა 9 მაისს დანგრეულ მარიუპოლში აღლუმის გასამართად ემზადება, ამისთვის ქალაქში რუსეთის ფედერაციის პრეზიდენტის ადმინისტრაციის უფროსის პირველი მოადგილე სერგეი კირიენკო ჩავიდა. აღნიშნულის შესახებ ინფორმაციას უკრაინის თავდაცვის სამინისტროს მთავარი სადაზვერვო სამმართველო ავრცელებს.

სამმართველოს მიერ აღნიშნულია, რომ კირიენკოს მთავარი ამოცანაა 9 მაისისთვის „საზეიმო ღონისძიებების“ მომზადება.

„გრძელდება ფართომასშტაბიანი პროპაგანდისტული კამპანია, რომლის დროსაც რუსებს აჩვენებენ ისტორიებს ადგილობრივი მაცხოვრებლების ოკუპანტებთან შეხვედრისგან განცდილ „სიხარულს“, - აღნიშნულია უწყებაში.

გარდა ამისა, ოკუპირებულ დონეცკში წელს უარი თქვეს „დღესასწაულის“ გამართვაზე, ამიტომ „სადღესასწაულო“ ცენტრის მარიუპოლში გადატანა იგეგმება, ამისათვის დანგრეულ ქალაქის ცენტრალურ ქუჩებს ნანგრევებისგან, დაღუპულთა გვამებისგან და აუფეთქებელი რუსული საბრძოლო მასალებისგან ასუფთავებენ.

შეგახსენებთ, რომ მანამდე უკრაინის დაზვერვის მიერ მოპოვებული მონაცემებით, რუსეთი უკრაინაში „სპეციალური ოპერაციის" გაგრძელებას 2022 წლის სექტემბრამდე გეგმავს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია