რუსმა ოკუპანტებმა დონეცკის რეგიონში 21 მშვიდობიანი მოქალაქე მოკლეს, ხოლო 27 დაიჭრა,- აღნიშნულის შესახებ ინფორმაციას დონეცკის რეგიონალური სამხედრო ადმინისტრაციის ხელმძღვანელი პაველ კირილენკო Telegram-ით ავრცელებს.

კირილინკეოს თქმით, მკვლელობები მოხდა რამდენიმე ქალაქში. კერძოდ ავდიივკაში დაიღუპა- 10 ადამიანი, ლიმანში- 5, უგლედარში- 4, ველიკა ნოვოსელკაში- 1 და  შანდრიგოლოვოში- 1.

„3 მაისს რუსებმა  დონბასში 21 მშვიდობიანი მოქალაქე მოკლეს, დაჭრეს კიდევ 27, რაც ყველაზე მეტი მსხვერპლია ერთ დღეში მას შემდეგ, რაც რუსებმა დაბომბეს კრამატორსკის რკინიგზის სადგური. ჩვენს მიწაზე ჩადენილი ყოველი დანაშაულისთვის რუსები დაისჯებიან!“ - განაცხადა კირილენკომ.

კირილენკომ ასევე დასძინა, რომ დღეს მარიუპოლში ორი გარდაცვლილის შესახებ ინფორმაციის დაზუსტება შესაძლებელი იყო, მაგრამ მარიუპოლსა და ვოლნოვახაში მსხვერპლის ზუსტი რაოდენობის დადგენა შეუძლებელია.

შეგახსენებთ, რომ 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსეთის სამხედრო ძალებმა უკრაინაზე სხვადასხვა მიმართულებიდან დაიწყეს შეტევა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია