უკრაინა ჩინეთს სთავაზობს, უსაფრთხოების ერთ-ერთი გარანტორი გახდეს. ამის შესახებ უკრაინის საგარეო საქმეთა მინისტრმა დიმიტრო კულებამ ჩინეთის სახელმწიფო სააგენტო Xinhua-სთან ინტერვიუში განაცხადა.

მისივე თქმით, კიევი ჩინეთს სთავაზობს, გახდეს ქვეყნის უსაფრთხოების ერთ-ერთი გარანტი ომისშემდგომი უსაფრთხოების სისტემაში, რომელიც უკრაინის სასარგებლოდ იმუშავეს.

„უკრაინა ამჟამად სწავლობს გაეროს უშიშროების საბჭოს მუდმივი წევრებისგან, მათ შორის ჩინეთისა და სხვა დიდი სახელმწიფოებისგან უსაფრთხოების გარანტიების მიღების შესაძლებლობას. ჩვენი შეთავაზება ჩინეთს, გახდეს უკრაინის უსაფრთხოების ერთ-ერთი გარანტი, რაც ჩვენი პატივისცემისა და ჩინეთის სახალხო რესპუბლიკისადმი ნდობის ნიშანია“, - განაცხადა მან.

კულებამ ასევე იმედი გამოთქვა, რომ ჩინეთი აქტიურად მოუწოდებს რუსეთს ცეცხლისა და საომარი მოქმედებების შეწყვეტისკენ.

„ეს იქნება მნიშვნელოვანი ღონისძიება მშვიდობის შესანარჩუნებლად და შემდგომი ჰუმანიტარული კატასტროფების თავიდან ასაცილებლად“, - დასძინა მან.

შეგახსენებთ, რომ პრეზიდენტმა ვოლოდიმირ ზელენსკიმ ადრე განაცხადა, რომ უკრაინისა და რუსეთის ფედერაციის მოლაპარაკებების შედეგების შემდეგ შეიძლება გაფორმდეს ორი დოკუმენტი: უკრაინის უსაფრთხოების გარანტიების შესახებ და უშუალოდ კიევსა და მოსკოვს შორის შეთანხმება.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია