ბოლო 24 საათის განმავლობაში რუსულმა ჯარებმა ხარკოვი უკვე 16-ჯერ დაბომბეს. ქალაქსა და რეგიონში თავდასხმის შედეგად ხუთი ადამიანი დაიღუპა, 11 კი დაშავდა,- ამის შესახებ ინფორმაციას ხარკოვის რეგიონალური სახელმწიფო ადმინისტრაციის ხელმძღვანელი ოლეგ სინეგუბოვი Telegram-ით ავრცელებს.

სინუბეგოვის თქმით, დამპყრობლების დარტყმის შედეგად დაზარალდა საცხოვრებელი რაიონები.

„ბოლო 24 საათის განმავლობაში რუსეთის საოკუპაციო ჯარებმა ხარკოვში განახორციელეს 16 საარტილერიო თავდასხმა, 2 შეტევა მრავალჯერადი სარაკეტო სისტემებით და ასევე განხორციელდა ერთი სარაკეტო შეტევა. დღეს დილით ოკუპანტებმა ქვემეხი არტილერიიდან დაბომბეს სოკოლნიკი. დღის განმავლობაში ქალაქსა და რეგიონში დაბომბვის შედეგად დაიღუპა 5 მშვიდობიანი მოქალაქე, 11 კი დაშავდა,“ - წერს სინეგუბოვი.

გარდა ამისა სინუბეგოვმა აღნიშნა, უკრაინის არმია თავის პოზიციებს იკავებს. გასული ღამის განმავლობაში მტერმა არ ჩაატარა აქტიური შეტევითი ოპერაციები, არამედ ჩაატარა აქტიური დაზვერვა. ხოლო უკრაინის შეიარაღებულმა ძალებმა კიდევ ერთი რუსული სუ-34 გამანადგურებელის ჩამოგდება შეძლეს.

შეგახსენებთ, რომ 2022 წლის 24 თებერვალს რუსეთმა უკრაინის წინააღმდეგ სრულმასშტაბიანი ომი დაიწყო. რუსული არმია ანადგურებდა ქალაქებს, სოფლებს და ხოცავდა მშვიდობიან მოსახლეობას.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია