2022-04-26 16:54:32, 1532 ნახვა
ომი უკრაინაში
რუსეთის ჯარებმა დარტყმა მიაყენეს სტრატეგიული მნიშვნელობის ხიდს ოდესის ოლქში
რუსეთის ჯარებმა დარტყმა მიაყენეს სტრატეგიული მნიშვნელობის ხიდს ოდესის ოლქში. - ამის შესახებ ინფორმაციას ადგილობრივი ხელისუფლება ავრცელებს.
მათივე თქმით, ხიდი სტრატეგიული მნიშვნელობისაა - ის ოდესის ოლქის სამხრეთ ნაწილს აკავშირებს უკრაინის დანარჩენ ნაწილთან
" ოდესის რეგიონში სარაკეტო დარტყმა განხორციელდა. დაზიანებულია ხიდზე დნესტრის შესართავთან. დაშავებულების შესახებ გარემოებები და ინფორმაცია ზუსტდება. " - ნათქვამია განცხადებაში.
შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.
ავტორი: ექსპრესნიუსი,
epn.ge (@expressnews.ge)
