დროებით ოკუპირებულ ხერსონში, ცნობილი პრორუსული ბლოგერი და ფსევდო მოხალისე ვალერი კულეშოვი საკუთარ მანქანაში ჩაცხრილეს. ამის შესახებ ინფორმაციას საოლქო საბჭოს დეპუტატი სერგეი ხლანი თავის ფეისბუქის მეშვეობით ავრცელებს.

„ცნობილია, რომ კულეშოვს ესროლეს შუმენის მიკრორაიონში, საკუთარი სახლის შესასვლელთან. ნაცრისფერ მაზდაში იჯდა. შემთხვევა 20 აპრილს, კიევის დროით 08:15 საათზე მოხდა. ადგილობრივები მას, როგორც პრორუს ბლოგერს იცნობდნენ. ომის აქტიური ეტაპის დაწყებიდან კულეშოვი პირდაპირ ეთერში ბრძოლის ველიდან მაუწყებლობდა“ , - წერს დეპუტატი.

ხლანი ასევე აღნიშნავს, რომ გავრცელებული ვარაუდით კულეშოვი რუსებისთვის აქტივისტისა და საზოგადოებრივი აზრის ლიდერის როლს ასრულებდა.

„ხერსონში გრძელდება მოსახლეობის დამპყრობლების აგიტაცია კვაზი რესპუბლიკის მოწყობის მიზნით, მაგრამ ხერსონელები არ ნებდებიან. მოითმინეთ, ჩვენ მალე იქ ვიქნებით", - დასძინა დეპუტატმა.

ავტორი: ექსპრესნიუსი,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება