უკრაინის ხელისუფლებამ 20 აპრილს მარიუპოლში რუსული ძალების წარმომადგენლებთან შეთანხმება მოახერხა და შუადღისას, ბავშვებისა და მოხუცებისთვის, ჰუმანიტარული დერეფანი გაიხსნება. ამის შესახებ უკრაინის ვიცე პრემიერ-მინისტრმა, ირინა ვერეშჩუკმა განაცხადა.

ვერეშჩუკმა ასევე დასძინა, რომ უსაფრთხოების ვითარება რთულია, ამიტომ შესაძლოა ცვლილებები მოხდეს დერეფანში. 

"შეკრება მარიუპოლში დღეს, 20 აპრილს, 14:00 საათიდან ტაგანროგისა და 130-ე ტაგანროგის დივიზიის კუთხეში. სვეტი იმოძრავებს მარშრუტის გასწვრივ: მარიუპოლი-მანგუშ-ბერდიანსკი-ტოკმაკ-ორიხივი-ზაპოროჟიე. უსაფრთხოების ძალიან რთული სიტუაციიდან გამომდინარე, შესაძლოა ცვლილებები მოხდეს დერეფანში. ამიტომ, გთხოვთ, მიჰყევით შესაბამის ოფიციალურ განცხადებებს. ჩვენ ყველაფერს გავაკეთებთ იმისათვის, რომ ყველაფერი გამართულად იმუშაოს“ , - წერს ვერეშჩუკმა Telegram-ში.

ცნობისთვის, სამხრეთ და აღმოსავლეთ უკრაინის ფრონტის ხაზისა და ოკუპირებული ქალაქებიდან ჰუმანიტარული დერეფნები ბოლო სამი დღის განმავლობაში დაკეტილი იყო. 

ავტორი: ექსპრესნიუსი,

სოციალური ქსელები

ყირგიზეთის შემდეგ კობახიძე ტაჯიკთში წავიდა

შსს: პროსტიტუციის ხელშეწყობისთვის 14 პირი დააკავეს და 9 ობიექტი დალუქეს

ავსტრალია უკრაინას 100 მილიონი დოლარის სამხედრო დახმარებას გამოუყოფს

პავლოგრადზე რუსული თავდასხმის შედეგად 8 წლის გოგონა დაიღუპა