2022-04-19 18:32:04, 2528 ნახვა

---

რუსებმა აზოვსტალთან მდებარე საავადმყოფოს ტერიტორიაზე ბომბი ჩამოაგდეს , ნანგრევების ქვეშ მოყოლილია 300 ადამიანი

რუსმა დამპყრობლებმა მარიუპოლში, აზოვსტალის ქარხნის მახლობლად მდებარე საავადმყოფოს ტერიტორიაზე მძლავრი ბომბი ჩამოაგდეს. ნანგრევების ქვეშ 300-მდე ადამიანია, მათ შორის ბავშვები. ამის შესახებ Facebook-ზე უკრაინის სახალხო დეპუტატმა და ბიზნესმენმა სერგეი ტარუტამ განაცხადა.

„ჩემი ინფორმაციით, ნანგრევების ქვეშ 300-მდე ადამიანია, მათ შორის ბავშვები. საავადმყოფოს გადარჩენილ ნაწილში დამცველები დაიჭრნენ და მარიუპოლის მცხოვრებლები ბავშვებთან ერთად იმალებოდნენ. შეაჩერეთ გენოციდი მარიუპოლში! პოლიტიკოსებო, ლიდერებო, მსოფლიოს ხალხო, შეაჩერეთ ეს გენოციდი!“ , - წერს ტარუტა

შეგახსენებთ, რომ რუსულმა ჯარებმა მარიუპოლში მდებარე აზოვსტალის ქარხანაზე შეტევა დღეს განახორციელეს, სადაც დაახლოებით ათასი ადგილობრივი მცხოვრები იმყოფებოდა. მათ შორის ბავშვები. აზოვსტალის ტერიტორიას უკვე რამდენიმე კვირაა ადგილობრივები თავშესაფრად იყენებენ.

ამასთან ერთად, უკრაინის დაზვერვის სამმართველოს ხელმძღვანელმა კირილ ბუდანოვმა უკვე განაცხადა, რომ უკრაინა რაღაც მომენტში შეძლებს მარიუპოლის ბლოკადის გარღვევას

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი