საფრანგეთის პრეზიდენტმა ემანუელ მაკრონი უარს ამბობს უკრაინაში რუსული ქმედებების „გენოციდად“ შეფასებაზე. - ამის შესახებ მაკრონმა საზოგადოებრივ მაუწყებელ France 2-თან სატელევიზიო ინტერვიუში განაცხადა.

კითხვაზე, გამოიყენებდა თუ არა ის, ისევე როგორც აშშ-ს პრეზიდენტი ჯო ბაიდენი, ტერმინს „გენოციდს“ რუსი სამხედროების მიერ უკრაინელების მკვლელობისთვის, მაკრონმა უპასუხა: „დღეს ასეთ ტერმინებს ფრთხილად ვიქნები, რადგან ეს ორი ხალხი [რუსები და უკრაინელები] ძმები არიან.”

"მინდა, გავაგრძელო მცდელობა ომის შესაჩერებლად და მშვიდობის აღსადგენად. არ ვარ დარწმუნებული, რომ რიტორიკის ესკალაცია ამას ემსახურება". -  განაცხადა მაკრონმა.

შეგახსენებთ, აშშ-ის პრეზიდენტმა ჯო ბაიდენმა პირველად გამოიყენა სიტყვა „გენოციდი“ უკრაინაში რუსი სამხედროების ქმედებებთან დაკავშირებით. ერთი კვირის წინ ის მხოლოდ ტერმინით „ომის დანაშაულებები“ შემოიფარგლებოდა. სიტყვა  „გენოციდის“ შესახებ ჯო ბაიდენმა განმარტება გააკეთა და აღნიშნარ რომ, ოკუპირებულ და ალყაში მოქცეულ უკრაინის ქალაქებში ომის დანაშაულებისა და მშვიდობიანი მოსახლეობის დაღუპვის მტკიცებულებებმა მიიყვანა იგი ამ დასკვნამდე. 

ავტორი: ექსპრესნიუსი,

სოციალური ქსელები

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა