უკრაინის პარლამენტმა მოსკოვის საპატრიარქოს აკრძალვის კანონპროექტი დაარეგისტრირა

2022-03-30 16:37:12, 622 ნახვა

მსოფლიო

უკრაინის პარლამენტში დარეგისტრირდა კანონპროექტი, რომელიც უკრაინის ტერიტორიაზე მართლმადიდებლური ეკლესიის მოსკოვის საპატრიარქოს აკრძალავს.

დოკუმენტი ქვეყნის ტერიტორიაზე რუსეთის მართლმადიდებელი ეკლესიის მოსკოვის საპატრიარქოს და მასში შემავალი ეკლესიების აკრძალვას ითვალისწინებს.

მოსკოვის საპატრიარქოს რელიგიურ თემებს, მონასტრებსა და რელიგიურ საგანმანათლებლო დაწესებულებებს თავიანთი დაქვემდებარება კანონის ძალაში შესვლიდან 14 დღის განმავლობაში შეუძლიათ შეცვალონ.

„წმიდა მიძინების კიევ-პეჩერსკის ლავრა, წმინდა მიძინების პოჩაევის ლავრა, წმინდა მიძინების სვიატოგორსკის ლავრა და სხვა სახელმწიფო მნიშვნელობის არქიტექტურული ძეგლები, რომლებიც ეკუთვნის ან გამოიყენება მოსკოვის საპატრიარქოს მიერ, უნდა გახდეს სახელმწიფოს საკუთრება და მათ მიერ მიღებული გადაწყევტილებები გაუქმებულია“, - ნათქვამია დოკუმენტში.

კანონპროექტის მიხედვით, აკრძალული ეკლესიების მთელი საეკლესიო ქონების ნაციონალიზაცია კანონის მიღებიდან 48 საათში უნდა მოხდეს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,