საქართველოს პროკურატურამ სოფელ ნორიოში მომხდარი განზრახ მკვლელობის და დამამძიმებელ გარემოებებში ჩადენილი განზრახ მკვლელობის მცდელობის ფაქტზე, დ.ყ.-ს ბრალდება წარუდგინა. აღნიშნულის შესახებ ინფორმაციას საქართველოს პროკურატურა იუწყება.

გავრცელებული ინფორმაციით, შინაგან საქმეთა სამინისტროს მიერ ჩატარებული გამოძიების შედეგად დადგინდა, რომ 2022 წლის 9 მარტს, გარდაბნის მუნიციპალიტეტის, სოფელ ნორიოში, დ.ყ.-მ, მომხდარი კონფლიქტის გამო, შურისძიების მოტივით, განზრახ მოკვლის მიზნით, სანადირო თოფიდან ზ.ქ.-ს, ი.შ.-ს და ვ.ქ.-ს მიმართულებით რამდენჯერმე გაისროლა და შემთხვევის ადგილიდან მიიმალა. სროლის შედეგად მიღებული დაზიანებით ი.შ. ადგილზე გარდაიცვალა, ხოლო ზ.ქ.-მ ჯანმრთელობის დაზიანება მიიღო, მისი გადარჩენა გადაუდებელი სამედიცინო დახმარების შედეგად მოხერხდა.  

,,სამართალდამცველებმა დ.ყ. 10 მარტს დაბა სურამში დააკავეს. მას ბრალდება საქართველოს სისხლის სამართლის კოდექსის 108-ე მუხლით  (განზრახ მკვლელობა) და 19, 109-ე მუხლის მესამე ნაწილის „ა" ქვეპუნქტით (ორი ან მეტი პირის განზრახ მკვლელობის მცდელობა) წარედგინა, რაც სასჯელის სახედ და ზომად 16-დან 20 წლამდე  თავისუფლების აღკვეთას ითვალისწინებს.

პროკურატურა, ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, სასამართლოს კანონით დადგენილ ვადაში მიმართავს", - აღნიშნულია განცხადებაში.

ავტორი: NS (სტატია დაფინანსებულია),

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს