გლდანის ა მიკრორაიონის N4 კორპუსის მიმდებარედ, გლდანის რაიონის გამგეობის მიერ, სკვერის რეაბილიტაცია დასრულდა. N1-N2-N3 კორპუსებთან კი, დაზიანებული გზის საფარი იცვლება. -ამის შესახებ ინფორმაციას თბილისის მერია ავრცელებს.

უწყების ცნობით, N4 კორპუსის მიმდებარედ, პროექტის ფარგლებში, მოეწყო ბავშვთა გასართობი და დასასვენებელი ზონა, მოსასვენებელი პავილიონი, დამონტაჟდა გარე განათების სისტემა, ჩატარდა გამწვანების სამუშაოები, დაირგო ხე-მცენარეები. ასევე, განთავსდა სკვერისთვის საჭირო ინფრასტრუქტურა. პროექტისთვის გამგეობის ბიუჯეტიდან 202 425 ლარი დაიხარჯა. 

"აღნიშნულ მისამართზე მცხოვრები მოსახლეობის ინიციატივით, გამგეობასთან ურთიერთთანამშრომლობის მემორანდუმი გაფორმდა, რომლის ფარგლებშიც, მოსახლეობა თავის მხრივ, სკვერის გაფრთხილებასა და მოვლა-პატრონობაში ჩაერთვება.

ამასთან, ა მიკრორაიონის N1-2-3 კორპუსებთან და ახლადმოწყობილი სკვერის მიმდებარედ, ასფალტის საფარი დაახლოებით, 2 800 კვადრატულ მეტრ ფართობზე წესრიგდება, რისთვისაც გამგეობის ბიუჯეტიდან 170 624 ლარი არის გათვალისწინებული. " - აღნიშნულია ინფორმაციაში.

მიმდინარე და დასრულებულ სამუშაოებს გლდანის რაიონის გამგებელი ლევან ნაროუშვილი, საკრებულოს მაჟორიტარ დეპუტატ კონსტანტინე ზარნაძესთან ერთად გაეცნო.

ავტორი: NS (სტატია დაფინანსებულია),

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი