საქართველოს სახალხო დამცველის მიერ შექმნილი კონსილიუმის წევრი, ექიმი გიორგი გრიგოლია აცხადებს, რომ მიხეილ სააკაშვილს რუსთავის სასჯელაღსრულების დაწესებულებაში სრულყოფილი რეაბილიტაცია არ უტარდება.

როგორც ექიმმა კონსილიუმის დასკვნის გამოცხადებისას აღნიშნა, მიხეილ სააკაშვილმა გადაიტანა სერიოზული სტრესი, რამაც გამოიწვია მისი მდგომარეობის დამძიმება. 

"გარდა იმისა, რომ ის პატიმარია, მან ორჯერ მიიღო ძალიან მძიმე სტრესი. ერთხელ ეს იყო გლდანის მე-18 დაწესებულებაში მისი გადაყვანის დროს და მეორედ ის იყო გორში, 25-26 დეკემბერს, როცა მას გაუფრთხილებლად დაუპირეს ისევ რუსთავის პენიტენციურ დაწესებულებაში გადაყვანა. ანუ ის უბრალო პატიმრობაში კი არ იმყოფება, გადაიტანა სერიოზული სტრესი, რამაც გამოიწვია ეს სიტუაცია. მე ცოტა არ მჯერა იმის, რომ სრულყოფილი რეაბილიტაცია შესაძლებელია იქ, სადაც ის ახლა იმყოფება, მაგრამ ყოველ შემთხვევაში, მცდელობაც არ ყოფილა ამის და მცდელობა მაინც უნდა იყოს", – განაცხადა ექიმმა. 

ამასთანავე, ექიმმა აღნიშნა, რომ ის სომატური დარღვევები, რომლებიც ექს–პრეზიდენტს აქვს და გამოწვეულია შიმშილობით, არ არის მოხსნილი და პირიქით, ამ თვალსაზრისით გაუმჯობესება არაა. 

"ის სომატური დარღვევები, რომელიც მიხეილ სააკაშვილს აქვს და გამოწვეულია შიმშილობით, არ არის მოხსნილი. პირიქით, არანაირი გაუმჯობესება ამ თვალსაზრისით არ არის. ამ დიაგნოზს სჭირდება მკურნალობის სამი მიმართულება - სტრესი უნდა იყოს მოხსნილი, ფსიქოთერაპია უნდა იყოს მრავალმხრივი და უნდა ჩატარდეს მედიკამენტოზური მკურნალობა, რაც დამხმარე ხასიათს ატარებს. მას სტრესი დღემდე მოხსნილი არ აქვს და ფსიქოთერაპიული მკურნალობა არ უტარდება, შესაბამისად, მისი მდგომარეობა ამ თვალსაზრისით არ უმჯობესდება", – განაცხადა ექიმმა. 

ავტორი: ექსპრესნიუსი,

სოციალური ქსელები

სააკაშვილი- საქართველოში მობრუნდა სამი მეგობარი: კრიმინალი, უშუქობა და უწყლობა. მთავარია მიშა არ მობრუნდეს

თიბისი კონცეპტმა ინოლა გურგულიას შემოქმედებას ახალი სიცოცხლე შესძინა

გომეწრის ხეობაში დაკარგული ახალგაზრდა კაცი გარდაცვლილი იპოვეს

სუს-მა ქვეყნის მასშტაბით ელექტროენერგიის მიწოდების ავარიულად გათიშვის გამო გამოძიება საბოტაჟის მუხლით დაიწყო