2022-01-05 21:04:52, 769 ნახვა

---

მიხეილ სააკაშვილი - გთავაზობთ, შევქმნათ პარლამენტის მეორე, საგამოძიებო კომისია ელექტროენერგიის გაძვირებასთან დაკავშირებით

„არ მინდა, რომ ერთადერთი საგამოძიებო კომისია მიკავშირდებოდეს. გთავაზობთ, შევქმნათ პარლამენტის მეორე, საგამოძიებო კომისია ელექტროენერგიის გაძვირებასთან დაკავშირებით. რაც მთლიანად უკავშირდება ივანიშვილის ბიტკოინებს“, -ამის შესახებ, საქართველოს მესამე პრეზიდენტის, მიხეილ სააკაშვილის „ფეისბუკ“ გვერდზე მისსავე წერილშია აღნიშნული.

ექს-პრეზიდენტის განცხადებით, იგი ნაციონალურ მოძრაობას ამ თემაზე კონსულტაციების დაწყებას სთხოვს და მიმართავს გიორგი გახარიას ფრაქციას შეუერთდებიან თუ არა ისინი, ასეთ თემაზე საგამოძიებო კომისიის იდეას.

„მე არ მინდა, რომ ერთადერთი საგამოძიებო კომისია მიკავშირდებოდეს. გთავაზობთ, ასევე შევქმნათ პარლამენტის მეორე, საგამოძიებო კომისია ელექტროენერგიის გაძვირებასთან დაკავშირებით. რაც ჩემს ხელს არსებული ინფორმაციით, მთლიანად უკავშირდება კორუფციას ხელისუფლებაში, კერძოდ, ივანიშვილის ბიტკოინებს, კალაძის მიერ თბილისის ქსელების 25%-ის შეძენას. ვთხოვ, ნაციონალურ მოძრაობას, დაიწყოს ამ თემაზე კონსულტაციები.

მინდა, მივმართო გახარიას ფრაქციას პარლამენტში და ვკითხო, შემოუერთდებიან თუ არა ისინი, ასეთ თემაზე საგამოძიებო კომისიის იდეას“, - განაცხადა მიხეილ სააკაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი