თბილისში არასრულწლოვნის მკვლელობის გამო, ორი პირი დააკავეს

2021-12-05 13:55:55, 1053 ნახვა

სამართალი

თბილისში არასრულწლოვნის მკვლელობის გამო, ორი პირი დააკავეს დედაქალაქის პოლიციის დეპარტმენტმა, 4 დეკემბერს მომხდარი მკვლელობის ბრალდებით, 2004 და 2005 წელს დაბადებული პირები დააკავეს.

შსს-ის ინფორმაციით, მკვლელობა ურთიერთშელაპარაკების ნიადაგზე მოხდა. გარდაცვლილია 2006 წელს დაბადებული პირი. მას სასიკვდილო ჭრილობები ცივი იარაღიდან ჰქონდა მიყენებული. დაშავებული არასრულწლოვანი საავადმყოფოში გარდაიცვალა. ჩატარებული გამოძიების შედეგად დადგინდა, რომ ბრალდებულები შემთხვევის ადგილიდან მიიმალნენ. პოლიციამ ეჭვმიტანილები შემთხვევიდან რამდენიმე საათში დააკავეს.

გავრცელებული ინფორმაციით, გამოძიება სისხლის სამართლის კოდექსის 109-ე მუხლის მე-2 ნაწილის “ბ” ქვეპუნქტით და 376- ე მუხლის მე- 3 ნაწილით მიმდინარეობს. აღნიშნული წინასწარი შეცნობით, აარასრულწლოვნის მიმართ დამამძიმებელ გარემოებაში ჩადენილ განზრახ მკვლელობას და განსაკუთრებით მძიმე დანაშაულის შეუტყობინებლობას გულისხმობს.