ეს ბრძოლა არ დასრულებულა, ახლა იწყება, გამარჯვებამდე, არც ერთ შემთხვევაში არ იქნება უკან დახევა, – ამის შესახებ გაერთიანებული ოპოზიციის მერობის კანდიდატმა, ნიკა მელიამ ბათუმში ოპოზიციის მხარდამჭერ აქციაზე სიტყვით გამოსვლისას განაცხადა.

ნიკა მელიამ საპროტსტო აქციები დაანონსა და თქვა, რომ ქვეყანაში ფართომასშტაბიანი საპროტესტო აქციები არ შენელდება მანამ, სანამ არ გაიმარჯვებს სიმართლე. 

"ეს არის ისტორიულად მნიშვნელოვანი პროცესი. ჩვენ არჩევნებში დავუპირისპირდით ვის, რას, ძალიან კარგად ვიცით და ამაზე ყურადღებას არ მივიქცევთ, მაგრამ ეს ბრძოლა კი არ დასრულებულა, ახლა იწყება, გამარჯვებამდე. არც ერთ შემთხვევაში არ იქნება უკან დახევა და არა იმიტომ, რომ ასე გვსურს – არა, ჩვენ ვართ ვალდებულები. ჩვენ მოგვპარეს არჩევანი, ძალადობით და სხვადასხვა უღირსი მეთოდებით და რახან ბიძინა ივანიშილმა გვითხრა, რომ არჩევნების წესით თვალს რეალობას არ გაუსწორებს, ჩვენ უნდა ვაიძულოთ, რომ ის შემოვიდეს ხალხის ნებასთან დაპირისპირებაში და ამისთვის ჩვენ ვართ მზად, ვართ მზად ყველა ქალაქში, მთელს საქართველოში.

ბევრი კითხვა იბადება და მესმის, ვეცდები ყველაზე ტრადიციულ კითხვებს პასუხი გავცე. რას აპირებთ? საპროტესტო აქციების უნდა წაიყვანოთ ქვეყანა? ამ დროს ერთ შეკითხვას ვსვავთ, რა ბელორუსიად უნდა ვაქციოთ ეს სახელმწიფო? დიახაც, საპროტესტო აქციებისკენ ვაპირებთ სვლას, დიახაც, ფართო მასშტაბიანი საპროტესტო აქციები არ შენელდება მანამ, სანამ სიმართლე არ გაიმარჯვებს უახლოეს მომავალში და არა 2 ან 3 თვეში", – განაცხადა ნიკა მელიამ. 

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს