არ არსებობს ადამიანი, ვისაც თუნდაც არ მოსწონს მიხეილ სააკაშვილი, რომელსაც უნდა, რომ საკუთარ ქვეყანაში კიდევ ერთი პრეზიდენტი მოკვდეს, არ არსებობს ასეთი რამ. ასე გამოეხმაურა მოძრაობა დროას ლიდერი ელენე ხოშტარია  პრემიერმინისტრ ირაკლი ღარიბაშვილის განცხადებას რომლის მიხედვითაც,  ადამიანს აქვს თვითმკვლელობის უფლება, თუმცა ეს სახელმწიფოს პასუხისმგებლობა ვერ იქნება.

მისი თქმით, ასეთი დამოკიდებულებით გამარჯვებული არ არსებობს.

"გამოვიდა ირაკლი ღარიბაშვილი და თქვა, რომ თუ უნდა, მოკვდეს მიხეილ სააკაშვილიო, ვინ მისცა ღარიბაშვილს ამის უფლება? რა მნიშვნელობა აქვს, ვის მოწონს არ მოწონს მიხეილ სააკაშვილი, პოლიტიკურად როგორ ვიჩხუბებთ ჩვენ ერთმანეთში და რას გადავწყვეტთ თავისუფალი არჩევნებით, ვინ არის ირაკლი ღარიბაშვილი, რომ მე ჩემი ქვეყანა ისე წამართვას, რომ ჩემი სახელით გააღოს ციხე, ვინც უნდა ის ჩასვას და მერე ასე შეურაცხმყოფელად ილაპარაკოს? არ არსებობს ადამიანი, ვისაც თუნდაც არ მოსწონს მიხეილ სააკაშვილი, რომელსაც უნდა, რომ საკუთარ ქვეყანაში კიდევ ერთი პრეზიდენტი მოკვდეს, არ არსებობს ასეთი რამ.

არ არსებობს ასეთი დამოკიდებულებისგან მოგებული, ბიძინა ივანიშვილი იქნება, ღარიბაშვილი, წულუკიანი თუ ვინც გინდა, მისი ერთი გრამი უფლება რომ დაირღვეს, ზუსტად ასეთივე შემართებით უნდა დავიცვათ ის, იმიტომ რომ ჩვენ სახელს და გვარებს კიარ ვიცავთ, ჩვენ ვიცავთ, ზოგადად, ადამიანს, რომელიც უნდა იყოს ღერძი ჩვენი სახელმწიფოსი.- აღნიშნავს ხოშტარიამ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს