თბილისის მერის, კახა კალაძის ინიციატივას, უსახური ავტოფარეხების ადგილზე მოსასვენებელი სივრცეების მოწყობის შესახებ, დიდუბის რაიონის მოსახლეობა კიდევ ერთხელ გამოეხმაურა.

ამჯერად, დიღმის მასივის მეოთხე კვარტლის მე-17 და მე-18 კორპუსების მიმდებარედ მცხოვრებლებმა გადაწყვიტეს 14 ავტოფარეხის დემონტაჟი. სანაცვლოდ კი, მათთან შეთანხმებული პროექტით, დიდუბის გამგეობა მოსასვენებელ სივრცეს მოაწყობს. მსგავსი პროექტი რაიონში უკვე  მეშვიდედ ხორციელდება.

ტერიტორია 1 300 კვ.მ ფართობს შეადგენს და პროექტის მიხედვით, მოეწყობა მულტიფუნქციური სივრცე: საბავშვო ზონა, დეკორატიული ბილიკები, განათების სისტემა, საპარკე ავეჯი, ჩატარდება გამწვანების სამუშაოები. ამასთან, მიმდებარედ არსებულ სივრცეს რეაბილიტაცია ჩაუტარდება.

ფარეხების დემონტაჟის პროცესს დიდუბის რაიონის გამგებლის მოვალეობის შემსრულებელი მამუკა ვეკუა, გამგებლის მოადგილესთან ზურაბ უგულავასთან და ადგილობრივ მოსახლეობასთან ერთად დაესწრო. მამუკა ვეკუამ მოსასვენებელი სივრცის პროექტის დეტალები მოსახლეობასთან ერთად განიხილა.

ავტორი: NS (სტატია დაფინანსებულია),

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით