5 ივლისს „თბილისის პრაიდის" საწინააღმდეგო აქციაზე დაკავებული 27 პირი სასამართლომ პატიმრობაში დატოვა

2021-10-21 17:00:42, 1118 ნახვა

სამართალი

5 ივლისის საქმეზე დაკავებული 27 პირი სასამართლომ პატიმრობაში დატოვა.

დღეს 6 პირის სასამართლო სხდომა ჩატარდა, სადაც ძალადობრივი კონტრაქციის მონაწილე 27 ბრალდებულისთვის აღკვეთის ღონისძიების გადასინჯვასა და მტკიცებულებების დაუშვებლობაზე იმსჯელეს.

წინასასამართლო სხდომაზე დაცვის მხარემ სასამართლოს აღკვეთის ღინისძიების პატიმრობის შეცვლის მიზნით 5 000-დან 10 000 ლარამდე ოდენობით გირაოს შუამდგომლობით მიმართა. თუმცა მოსამართლეებმა ეს მოთხოვნა არ დააკმაყოფილეს.

შეგახსენებთ, 5 ივლისს რუსთაველის გამზირსა და მიმდებარე ტერიტორიებზე „თბილისი პრაიდის“ მოწინააღმდეგეებმა ჟურნალისტებისა და ოპერატორების მიმართ აგრესიული ქმედებები განახორციელეს, რის შედეგადაც სხვადასხვა მედიასაშუალების წარმომადგენლები დაშავდნენ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,