2021-10-21 13:33:02, 691 ნახვა

---

ირაკლი ღარიბაშვილი - თუ სადმე გადაიყვანენ პატიმარ სააკაშვილს, ეს იქნება ციხის საავადმყოფო, სხვა დაწესებულება გამორიცხულია

საჭიროების შემთხვევაში, ექიმების რეკომენდაციით თუ მოხდება პატიმარი სააკაშვილის გადაყვანა, ეს იქნება ციხის საავადმყოფო, - ამის შესახებ პრემიერ-მინისტრმა ირაკლი ღარიბაშვილმა ჟურნალისტებთან საუბრისას განაცხადა.

პრემიერის თქმით, მიხეილ სააკაშვილის სხვა კლინიკაში გადაყვანა არ განიხილება და გამორიცხულია.

„მე, რა თქმა უნდა, არ მსურს ამ საკითხზე კომენტარის გაკეთება. იუსტიციის მინისტრმა უკვე განაცხადა ამის თაობაზე გუშინ და ჩვენ მივისმინეთ მისგან, რომ ერთადერთი დაწესებულება, სადაც საჭიროების შემთხვევაში ექიმების რეკომენდაციით თუ მოხდება გადაყვანა პატიმარი სააკაშვილის, ეს იქნება ციხის საავადმყოფო. როგორც მოვისმინეთ ჩვენ იუსტიციის მინისტრისგან სხვა დაწესებულება არ განიხილება, ეს არის გამორიცხული“, - განაცხადა ირაკლი ღარიბაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი