იურიდიულ საკითხთა კომიტეტმა 2019 წლის 19–21 ივნისის მოვლენებთან დაკავშირებით ინიცირებული „ამნისტიის შესახებ" კანონპროექტი მესამე მოსმენით განიხილა.

პროექტის თანახმად:

•  სისხლისსამართლებრივი პასუხისმგებლობისა და სასჯელისაგან, ასევე პირობითი მსჯავრისგან გათავისუფლდება ყველა პირი, რომელმაც 2019 წლის 19-21 ივნისის მოვლენებთან დაკავშირებით 2019 წლის 19-21 ივნისს ჩაიდინა დანაშაული და ამ კანონით დადგენილი წესით უარს არ აცხადებს მის მიმართ ამნისტიის გავრცელებაზე.

• ამნისტია გავრცელდება აგრეთვე პირზე, რომელმაც 2019 წლის 19-21 ივნისის მოვლენებთან დაკავშირებული დანაშაულის მომზადება ან მცდელობა ჩაიდინა.

•  პირი, ვის მიმართაც გავრცელდება აღნიშნული ამნისტია,  ნასამართლობის არმქონედ ჩაითვლება.

კანონპროექტი ინიცირებულია ფრაქცია „ქართული ოცნების" მიერ.

როგორც იურიდიულ საკითხთა კომიტეტის თავმჯდომარემ, ანრი ოხნაშვილმა განაცხადა, „ქართულმა ოცნება"  დადებულ პირობას, კანონპროექტის შემოდგომაზე მესამე მოსმენით მიღების თაობაზე, ასრულებს.

„როდესაც ჩატარდა ბრიფინგი შარლი მიშელის დოკუმენტის ანულირებასთან დაკავშირებით, ირაკლი კობახიძემ განაცხადა, რომ ჩვენ მთელ რიგ სარეფორმო საკითხებს ბოლომდე მივიყვანდით, მათ შორის, ხაზგასმით აღინიშნა, რომ პროექტი, რომელიც უკავშირდებოდა  19–21 ივნისის მოვლენებს და რომელიც ორი მოსმენით  უკვე მიღებული იყო, შემოდგომაზე  მესამე მოსმენით იქნებოდა მიღებული. „ქართულო ოცნების" გუნდი ამ პირობას ვასრულებთ", - აღნიშნა ანრი ოხანაშილმა.

ავტორი: NS (სტატია დაფინანსებულია),

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება