საქართველოს მოქალაქეების ავღანეთიდან ევაკუაცია პრემიერ-მინისტრის დავალებითა და კოორდინაციით, საქართველოს საგარეო საქმეთა სამინისტროს პარტნიორ ქვეყნებთან , კერძოდ ამერიკულ, ბრიტანულ, თურქულ და უნგრულ მხარესთან აქტიური მუშაობის შედეგად გახდა შესაძლებელი.
საქართველოს მოქალაქეებს თბილისის საერთაშორისო აეროპორტში  საგარეო საქმეთა მინისტრის მოადგილე ალექსანდრე ხვთისიაშვილი და  მთავრობის ადმინისტრაციის უფროსის მოადგილე, რევაზ ჯაველიძე დახვდნენ.
„ჩვენს პარტნიორებთან მუშაობა დავიწყეთ იმ დღიდან, როდესაც გავიგეთ, რომ ჩვენი მოქალაქეები იმყოფებოდნენ ავღანეთში, ძირითადად ქაბულში და ითხოვდნენ დახმარებას. აქტიურად ვმუშაობდით, პირველ რიგში,  მათი აეროპორტში უსაფრთხო მიყვანისა და აეროპორტიდან საქართველოს მიმართულებით უსაფრთხოდ მგზავრობისთვის. კავშირზე ვიყავით დამსაქმებელ კომპანიასთან როგორც კანადაში, ასევე ლონდონის ოფისთან, რომელიც ფარავს ავღანეთს. ძირითადად, ჩვენი პარტნიორები იყვნენ ამერიკელები, ბრიტანელები, უნგრელები და თურქები. თითოეულ მათგანს მინდა,მადლობა გადავუხადო იმ დახმარებისთვის, რომელიც ჩვენი მოქალაქეების უსაფრთხოდ ჩამოყვანის საქმეში გასწიეს. რა თქმა უნდა, ეს დეტალები ღიად არ ჩანს, მაგრამ ძალიან დიდი საქმე და სამუშაოა გაწეული. რაც მთავარია, ამოცანა შესრულებულია, ყველა უვნებელი და ჯანმრთელი დაბრუნდა საქართველოში“-განაცხადა ალექსანდრე ხვთისიაშვილმა.
აღსანიშნავია,რომ საქართველოს მთავრობის ძალისხმევით, ავღანეთი ეტაპობრივად საქართველოს 24-მა მოქალაქემ დატოვა.

ავტორი: ექსპრესნიუსი,

სოციალური ქსელები

უკრაინამ რიაზანში Wildberries-ის საწყობი და ნავთობგადამამუშავებელი ქარხანა დაბომბა

CENTCOM: აშშ-მ და საუდის არაბეთმა ერაყის ტერიტორიაზე საჰაერო დარტყმები განახორციელეს

ირანმა იორდანიაში აშშ-ის ბაზაზე სარაკეტო თავდასხმაზე პასუხისმგებლობა აიღო

ტრამპმა ზელენსკისთან და ნეთანიაჰუსთან მოლაპარაკებები პროდუქტიულად შეაფასა