ევროპული საბჭოს საპარლამენტო ასამბლეის დირექტორი რიკ დემსი საქართველოში 5 ივლისს განვითარებულ მოვლენებს და მედიაზე თავდასხმას აბსოლუტურად მიუღებელ და სამწუხარო ფაქტად აფასებს.

დემსის განცხადებით, ის აღნიშნულ საკითხზე პრემიერ ღარიბაშვილთან და შს მინისტრ გომელაურთან შეხვედრაზე ისაუბრებს.

„აბსოლუტურად მიუღებელი და სამწუხაროა ის, რაც მოხდა 5 ივლისს. ძალადობა ქუჩებში უნდა იქნეს თავიდან აცილებული ხელისუფლების მიერ და როგროც მესმის, ხშირად ასე არ ხდება. ვიცი, ბევრი მოსაზრებაა, წინასწარ იყო დაგეგმილი თუ სპონტანურა მოხდა, თუ გინდათ, რომ საქართველოში იყოს გამოხატვისა და პრესის თავისუფლება, მაშინ პრესა უნდა იყოს დაცული. ვიცი, გამოძიება მიმდინარეობს, ბევრი ადამიანი უკვე საპატიმროშია. იმედი მაქვს, ყველაფერი დეტალურად იქნება გამოძიებული და გაირკვევა, რატომ მოხდა ეს, ვინ იყო წამქეზებელი და ამ საკითხს, აუცილებლად დავაყენებ როგორც პრემიერ-მინისტრთან, ასევე შს მინისტრთან შეხვედრაზე“, - განაცხადა რიკ დემსმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა

სააგენტო: 30-31 ივლისს აღმოსავლეთ საქართველოში წვიმა, სეტყვა და ღვარცოფის საფრთხეა მოსალოდნელი