საქართველოში დაკავებული უკრაინელი მეზღვაურები და ქვეყნის ექს-პრეზიდენტის, მიხეილ სააკაშვილის დაცვის ყოფილი წევრი, რომლებსაც ბათუმის საქალაქო სასამართლომ პატიმრობა შეუფარდა, შეწყალების საფუძველზე გათავისუფლდნენ.

როგორც დაკავებულების ადვოკატმა, ბექა ბასილაიამ განაცხადა, შეწყალება დაკავებულების განცხადების გარეშე მოხდა.

„იძულებული გახდა ქართული მხარე სამივე მათი განცხადების გარეშე შეეწყალებინათ, რაც არის ლუსტრაცია და მაჩვენებელი იმისა, რომ ეს ხალხი უკანონოდ იჯდა ციხეში ამდენი თვის მანძილზე. მათი განცხადების გარეშე მოხდა შეწყალება, ისინი უარს ამბობდნენ შეწყალებაზე“, - განაცხადა ბექა ბასილაიამ.

შეგახსენებთ, რომ ბათუმის საქალაქო სასამართლომ საზღვრის უკანონო კვეთის ბრალდებით დაკავებულ უკრაინის ორი მოქალაქეს, ვოლოდიმირ დიაჩენკოსა და იური ხომიჩის, ასევე მიხეილ სააკაშვილის დაცვის ყოფილ წევრს მიხეილ ბატურინს ოთხ წლიანი პატიმრობა 14 ივლისს მიუსაჯა. ისინი 2020 წლის 28 ნოემბერს დააკავეს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია