პარლამენტში რიგგარეშე სხდომა მიმდინარეობს

2021-07-12 15:01:27, 714 ნახვა

პოლიტიკა

პარლამენტში რიგგარეშე პლენარული სხდომა მიმდინარეობს, რომელსაც 85 დეპუტატი ესწრება.

სხდომის დაწყება ამ დრომდე ვერ ხერხდებოდა, რადგან სხდომათა დარბაზის ტრიბუნა ოპოზიციონერ დეპუტატებს ჰქონდათ დაკავებული. ცოტა ხნის წინ, პარლამენტის უსაფრთხოების სამსახურმა მედიაორგანიზაციებსა და ოპოზიციონერ დეპუტატებს სხდომათა დარბაზი დაატოვებინა.

რაც შეეხება რიგგარეშე სხდომას, დღევანდელ სხდომაზე დეპუტატები პარლამენტის ეთიკის კოდექსის დამტკიცების შესახებ საქართველოს პარლამენტის 2019 წლის 22 თებერვლის დადგენილებაში შესატან ცვლილებაზე იმსჯელებენ.

ამასთან, რიგგარეშე სხდომაზე დეპუტატები კენჭს უყრიან პარლამენტის დადგენილების პროექტს 2020 წელს საქართველოში ადამიანის უფლებათა და თავისუფლებათა მდგომარეობის შესახებ სახალხო დამცველის ანგარიშის შესახებ.

დადგენილების პროექტს სხდომაზე ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე წარადგენს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,