ქობულეთის ტურისტული პოტენციალის უკეთ წარმოჩენის მიზნით თემატური ტურების პრაქტიკული სახელმძღვანელო მუშავდება. აჭარის ტურიზმის დეპარტამენტმა წიგნთან დაკავშირებით სამუშაო შეხვედრა ქობულეთში გამართა, სადაც პროექტში ჩართულ გიდებთან და დარგის სპეციალისტებთან ერთად ტურების პირველადი ვარიანტები განიხილა. ქობულეთის თემატური ტურების სახელმძღვანელოში 5 დამუშავებული ტური შევა, სადაც ქალაქთან ერთად ქობულეთის საზღვაო ზოლს მიღმა არსებული ტურისტული ღირსშესანიშნაობები, აქტივობები, ტრადიციები და ადგილები აისახება. ქობულეთის ტურების პრაქტიკული სახელმძღვანელო ბათუმის მსგავსად სამენოვანი იქნება. მის შემუშავებაში დარგის სპეციალისტებთან ერთად 5 ადგილობრივი გიდია ჩართული.

„ბათუმისა და ქობულეთის თემატური ტურების სახელმძღვანელოები რეგიონში მოქმედი გიდების ინიციატივითა და უშუალო ჩართულობით  იქმნება. მასში შესული პრაქტიკული ტურები თავისი ელექტრონული რუკებით, ფოტოებითა და ინფორმაციებით დაეხმარება დამწყებ და მოქმედ გიდებს უკეთ წარმოაჩინონ ბათუმი და ქობულეთი. გარდა ამისა, ის ხელს შეუწყობს უკვე არსებული პრაქტიკული ტურების გამრავალფეროვნებას და განვითარებას. სამუშაო პროცესი უკვე დაწყებულია. მასში 20-მდე გიდი და დარგის სპეციალისტია ჩართული. ბათუმისა და ქობულეთის ტურების სახელმძღვანელოებით სარგებლობა დაინტერესებულ პირებს უკვე წლის ბოლოსთვის შეეძლება,“ განაცხადა აჭარის ტურიზმის დეპარტამენტის თავმჯდომარის პირველმა მოადგილე თამარ კაიკაციშვილმა.

ავტორი: NS (სტატია დაფინანსებულია),

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით