საქართველოს ინოვაციების და ტექნოლოგიების სააგენტოს,  ბათუმის სახელმწიფო საზღვაო აკადემიისა და საზღვაო სატრანსპორტო სააგენტოს ორგანიზებით, მეზღვაურთა საერთაშორისო დღესთან დაკავშირებით, ბათუმის სახელმწიფო საზღვაო აკადემიის ბიბლიოთეკაში, საერთაშორისო კონფერენცია  „ახალი ტექნოლოგიები საზღვაო ინდუსტრიაში“ გაიმართა.

კონფერენციის მიზანია, საზღვაო  სექტორში ტექნოლოგიური საშუალებების მნიშვნელობის განსაზღვრა, ინდუსტრიაში არსებული  დასაქმების სისტემისა და ტექნოლოგიური გამოწვევების განხილვა.

კონფერენციაზე  შემდეგი თემები განიხილეს:

•             საქართველოს ნავსადგურების გაციფროვნება

•             ვირტუალური რეალობა საზღვაო განათლებაში: წვრთნა და შეფასება

•             დღევანდელი გამოწვევები საზღვაო განათლების სფეროში

•             საზღვაო ინდუსტრიის მოწინავე ტექნოლოგიური ტენდენციები

კონფერენციაზე მოხსენებით წარსდგნენ საზღვაო სატრანსპორტო სააგენტოსა და საზღვაო აკადემიის წამომადგენლები, აკადემიის სტუდენტები, საზღვაო სფეროს სპეციალისტები და  პარტნიორი უნივერსიტეტიდან მოწვეული დარგის ექსპერტები.

ღონისძიების ფარგლებში ბათუმის სახელმწიფო საზღვაო აკადემიასა და ინოვაციების და ტექნოლოგიების სააგენტოს შორის ურთიერთანამშრომლობის მემორანდუმიც გაფორმდა. მემორანდუმის თანახმად, მხარეები აქტიურად  ითანამშრომლებენ საქართველოში ინოვაციებისა და ტექნოლოგიების განვითარების მხარდაჭერის  მიმართულებით და გაუზიარებენ ერთმანეთს ცოდნასა და გამოცდილებას ახალ ტექნოლოგიებთან მიმართებით.

ავტორი: NS (სტატია დაფინანსებულია),

სოციალური ქსელები

FIFA-მ შესაძლოა, IOC-ის გადაწყვეტილების შემდეგ, რუსეთის გუნდების აკრძალვა მოხსნას

ზიდანი დაბრუნდა! მსოფლიო ფეხბურთის ლეგენდამ საფრანგეთის ეროვნული ნაკრები ჩაიბარა.

ზელენსკიმ Wildberry-ზე თავდასხმას უკრაინის სამოქალაქო ინფრასტრუქტურაზე რუსეთის მიერ განხორციელებულ დარტყმებზე საპასუხოდ შეაფასა

მოსკოვისა და ტამბოვის ოლქებში მომხდარი დარტყმების შედეგად შვიდი ადამიანი დაიღუპა და 50-ზე მეტი დაშავდა