2021-06-25 15:30:37, 643 ნახვა
საზოგადოება
ამირან გამყრელიძის ინფორმაციით, ივლისის პირველ კვირაში საქართველო „ფაიზერის“, „სინოფარმის“ და „სინოვაკის“ ვაქცინებს მიიღებს
დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, საქართველოში ივლისის პირველ კვირაში „ფაიზერის“, „სინოფარმის“ და „სინოვაკის“ ვაქცინები შემოვა.
როგორც მან მედიავებინარზე განაცხადა, ივლისიდან ქვეყანაში თანადათან გაფართოვდება ყოველდღიური ვაქცინაციის რიცხვი და არეალი.
„ჩვენ აქტიურად ვემზადებით მასობრივი ვაქცინაცისთვის. დადასტურებულად გვაქვს ინფორმაცია, რომ ივლისის პირველ კვირაში გვექნება საკმაოდ დიდი რაოდენობით სამი დასახელების ვაქცინა, ორი ჩინური და ერთი „ფაიზერი“. თანდათან გაფართოვდება ყოველდღიური ვაქცინაციის არეალი და რიცხვი. ჩვენი სურვილია, რომ ივლისში თანდათანობით ავიდეთ 20-დან 25 ათას აცრამდე ყოველდღიურად“, - განაცხადა ამირან გამყრელიძემ.
ავტორი: ექსპრესნიუსი,
epn.ge (@expressnews.ge)
