აჭარის ჯანდაცვის მინისტრმა წმინდა მატათა მოციქულის სახელობის ფონდის აღსაზრდელებსა და „თანას“ ბენეფიციარებს ბავშვთა საერთაშორისო დღე მიულოცა

2021-06-01 22:11:29, 900 ნახვა

რეგიონი

აჭარის ა/რ ჯანმრთელობისა და სოციალური დაცვის მინისტრმა, ნინო ნიჟარაძემ და მინისტრის მოადგილეებმა, აჭარის ა/რ უმაღლესი საბჭოს ჯანმრთელობისა და სოციალურ საკითხთა კომიტეტის თავმჯდომარესთან, იალია ვერძაძესთან ერთად ბავშვთა საერთაშორისო დღე მცირე საოჯახო ტიპის ბავშვთა სახლის, წმინდა მატათა მოციქულის სახელობის ფონდის აღსაზრდელებსა და სარეაბილიტაციო ცენტრ "თანას" ბენეფიციარებს მიულოცეს.

სხვადასხვა ღონისძიება აჭარის ჯანდაცვის სამინისტროს, ირის ბორჩაშილის ჯანმრთელობის ცენტრ "მედინას" და საერთაშორისო ინვესტორთა ასოციაციის ორგანიზებით გაიმართა.

აჭარის ა/რ ჯანმრთელობისა და სოციალური დაცვის სამინისტრო ბავშვთა საჭიროებებზე მორგებულ პროგრამებს ახორციელებს. 2020 წელს ამოქმედდა "მზრუნველობამოკლებულ პირთა რეინტეგრაციის ხელშეწყობის" პროგრამა, რომლის მიზანია მზრუნველობამოკლებულ (სახელმწიფო მზრუნველობის შეწყვეტის შემდეგ) პირთა მატერიალური მხარდაჭერა, დამოუკიდებელი ცხოვრებისათვის მომზადების ხელშეწყობა და საზოგადოებაში სრული რეინტეგრაცია. პროგრამა ვრცელდება 18-დან 25 წლამდე ასაკის პირებზე.