მინსკში სამმხრივი ჯგუფის შეხვედრა კონსესუსის გარეშე დასრულდა

2015-02-01 13:02:12, 2650 ნახვა

მსოფლიო

მინსკში უკრაინის საკითხზე მომუშავე სამმხრივი საკონტაქტი ჯგუფის შეხვედრა უშედეგოდ დასრულდა.
უკრაინული მედიის ინფორმაციით, სამმხრივი საკონტაქტო ჯგუფის წევრებმა დოკუმენტს ხელი არ მოაწერეს.
დოკუმენტი, რომელიც სექტემბრის მემორანდუმს და სამშვიდობო გეგმას გაამყარებდა, რუსეთისა და უკრაინის პრეზიდენტებმა შეიმუშავეს.
როგორც სამ საათიანი შეხვედრის შემდეგ დონეცკის თვითგამოცხადებული რესპუბლიკის წარმომადგენელმა დენის პუშლინმა განაცხადა, უკრაინაში არსებული ვითარების დეესკალაციისთვის აუცილებელია დიალოგი და არა უკრაინის მონოლოგი.
„ჩვენ დიალოგისთვის მზად ვართ, ამასთან მზად ვართ გავაგრძელოთ მუშაობა მინსკის შეთანხმების ფარგლებში თუმცა ამისთვის აუცილებელია დიალოგი და არა უკრაინის მონოლოგი“,-განაცხადა დენის პუშლინმა.
უკრაინის ყოფილი პრეზიდენტის ლეონიდ კუჩმას განცხადებით კი, მოლაპარაკებები, რომელიც უკრაინაში ვითარების დეესკალაციას და ცეცხლის შეწყვეტას ითვალისწინებს, ლექსანდრე ზახარჩენკოს და იგორ პლოტნიცკის შეხვედრაზე მოუსვლელობის გამო ჩაიშალა.
სამმხრივი ჯგუფის შეხვედრში მონაწილეობა უკრაინის, რუსეთის, ეუთო-ს და პრორუსულად განწყობილი სეპარატისტული ხელისუფლების წევრებმა მიიღეს.