ნიკა მელიას სასამართლო პროცესი გადაიდო

2021-05-21 12:03:50, 868 ნახვა

სამართალი

„ერთიანი ნაციონალური მოძრაობის“ თავმჯდომარის, ნიკა მელიას სასამართლო პროცესი 25 მაისამდე გადაიდო.

დღევანდელ სასამართლო პროცესზე ბრალდების მხარის მტკიცებულებების გამოკვლევა, პროკურატურის მოწმეების გამოკითხვით უნდა დაწყებულიყო, თუმცა, დაცვის მხარემ სხდომის გადადების შუამდგომლობა დააყენა, რაც მოსამართლე ნინო ჩახნაშვილმა დააკმაყოფილა.

პროცესის გადადებას დაცვის მხარე ითხოვდა, ადვოკატების თქმით, ისინი ინფორმირებულები არ იყვნენ თუ ვის დაკითხვას აპირებდა დღეს პროკურატურა, რის გამოც სათანადოდ ვერ მოემზადნენ.

სასამართლო პროცესს არ ესწრებოდა თავად ბრალდებული, ნიკა მელია, რადგან მოსამართლე ნინო ჩახნაშვილმა ის სასამართლო დარბაზიდან ერთ-ერთ პროცესზე გააძევა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან