„ქართული ოცნება“ არის ის ძალა, რომელსაც სურს, „ნაციონალური მოძრაობა“ არ შევიდეს პარლამენტში, - ასე ეხმაურება „ნაციონალური მოძრაობის“ წევრი, ხატია დეკანოიძე ირაკლი კობახიძის განცხადებას, რომლის თანახმად, „დემოკრატიისთვის უკეთესიც იქნება, თუ „ნაცმოძრაობა“ პარლამენტში არ იქნება წარმოდგენილი“.

როგორც დეკანოიძემ აღნიშნა, კობახიძე ძალიან ცდება, როდესაც ქვეყანაში პოლიტიკური კრიზისის განმუხტვაზე საუბრობს.

„ძალიან ცდება კობახიძე, როდესაც საუბრობს, რომ რაიმე სახის პოლიტიკური კრიზისი განიმუხტა ჩვენს ქვეყანაში. „ქართული ოცნება“ არის ის ძალა, რომელსაც სურს, რომ ახლა „ნაციონალური მოძრაობა“ არ შევიდეს პარლამენტში და შემდეგ თავისუფლად, მცირე ოპოზიციის ფონზე იყვნენ და აკეთონ ის, რასაც აკეთებენ. ძალიან მნიშვნელოვანია გვესმოდეს, რომ როდესაც ამ პოლიტიკურ კრიზისშია ჩვენი თითოეული მოქალაქე და ჩვენ ექვსი თვე მხოლოდ და მხოლოდ პოლიტიკურ ისტემბლიშმენტზე ვსაუბრობთ, ადამიანები უმძიმეს გაჭირვებაში არიან. ჩვენ დღეს უნდა ვისაუბროთ ადამიანების ყოფიერებაზე. ამიტომ უნდა გამოვიყენოთ საპარლამენტო საქმიანობაც. კობახიძე და ბიძინა ივანიშვილის მსახურები არიან ის ადამიანები, ვისაც სურს, რომ „ნაციონალური მოძრაობა“ არ იყოს პარლამენტში“, - განაცხადა ხატია დეკანოიძემ.

ავტორი: ექსპრესნიუსი,

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა