ქვეშეთი-კობის ახალი გზის პროექტის მხარდაჭერითა და ორგანიზებით, ადგილობრივი მოსახლეობის მხარდაჭერისა და სოციალური დაცვის პროგრამის ფარგლებში, ხადის ხეობის მოსახლეობას უფასო სამედიცინო პროფილაქტიკური შემოწმება ჩაუტარდა.

ხეობას კონსტანტინე ერისთავის სახელობის ექსპერიმენტული და კლინიკური ქირურგიის ეროვნული ცენტრის ექიმები ეწვივნენ, რომლებიც ლოზუნგით - ერთად ვიზრუნოთ თქვენს ჯანმრთელობაზე - აგრძელებენ უფასო სამედიცინო პროფილაქტიკურ გასინჯვებს, საქართველოს მასშტაბით. ქვეშეთის ამბულატორიულ ცენტრში მოსახლეობას უფასო კონსულტაციები ჩაუტარეს შემდეგი პროფილის ექიმებმა: ზოგადი ქირურგი, ანგიოქირურგი, უროლოგი, გინეკოლოგი, ტრავმატოლოგი, ოფთალმოლოგი, თერაპევტი, კარდიოლოგი, ნევროპათოლოგი, ენდოკრინოლოგი. ასევე, საჭიროებიდან გამომდინარე, უფასოდ ჩატარდა ექოსკოპიური და კარდიოლოგიური გამოკვლევები, გლუკოზის განსაზღვრა სისხლში და ოფთალმოსკოპიური კვლევები.

გარდა ამისა, თბილისიდან ჩასულმა კიდევ ერთმა სამედიცინო ბრიგადამ, საცხოვრებელ სახლებში გაუწია კონსულტაციას იმ პაციენტებს, რომელთაც, გარკვეულ მიზეზთა გამო, გადაადგილება არ შეეძლოთ. აქციის ფარგლებში, პაციენტებს, ექიმის რეცეპტის შესაბამისად, მედიკამენტებიც გადაეცათ.

ჯამში აქციაში მონაწილეობა 70-ზე მეტმა ბენეფიციარმა მიიღო. ბენეფიციარები გამოვლინდნენ წინასწარი კვლევით, რომელიც ხადის ხეობაში „რეგიონული განვითარების ახალგაზრდულმა ცენტრმა“ ჩაატარა.

„ამ ადამიანებისათვის მსგავსი ტიპის მომსახურების მიღება ძალიან მნიშვნელოვანია, რადგან მათ ხშირად არ აქვთ ამის საშუალება. გზის არარსებობის გამო, ხადის ხეობის მოსახლეობის უმეტეს ნაწილს არ აქვს წვდომა სოციალურ სერვისებზე, მათ შორის, მაგალითად, სამედიცინო სერვისზე. ქვეშეთი-კობის ახალი გზა, ბევრ სხვა პრობლემასთან ერთად, ამ საკითხსაც სრულად მოაგვარებს. მანამდე კი, პროექტის მიმდინარეობისას, ვეცდებით, მსგავსი აქციებით დავეხმაროთ აქ მცხოვრებ ადამიანებს,“ - განაცხადა საქართველოს საავტომობილო გზების დეპარტამენტის თავმჯდომარის მოადგილემ, ალექსანდრე თევდორაძემ.

აღნიშნული აქცია პენსიონერების მხარდაჭერის პროგრამის ნაწილია, რომელიც საქართველოს მთავრობის ადმინისტრაციის რეგიონებთან ურთიერთობის დეპარტამენტის უშუალო ჩართულობით განხორციელდა.

ავტორი: R (რეკლამა),

სოციალური ქსელები

უკრაინამ თათარსტანსა და სამარის რეგიონში მსხვილ ნავთობქიმიურ ქარხნებს შეუტია

ბოჭორიშვილი სავიზო დიალოგზე: პოზიციები გავცვალეთ, ვნახოთ, მოვლენები როგორ განვითარდება

კობახიძე: ნანუკა ჟორჟოლიანის წინ წამოწევაც ოპოზიციის უმძიმეს მდგომარეობაზე მეტყველებს

კობახიძე: ჩავკეტეთ შანტაჟის ყველა გზა, დარჩა თეორიული ინსტრუმენტი - ვიზალიბერალიზაცია