დავით სარალიძის მკვკელობის საქმეზე დაკავებულ გიორგი მენაბდეს ბრალს დღეს წაუყენებენ

2021-04-16 10:08:42, 570 ნახვა

სამართალი

დავით სარალიძის ჯგუფურად დამამძიმებელ გარემოებაში ჩადენილი განზრახ მკვლელობის ბრალდებით დაკავებულ გიორგი მენაბდეს ბრალს ოფიციალურად დღეს, 16 აპრილს წაუყენებენ.

ცნობისთვის, შინაგან საქმეთა სამინიტრომ დავით სარალიძის მკვლელობის ფაქტზე ერთი პირი გუშიინ დააკავა. მიმდინარე გამოძიების ფარგლებში დადგინდა, რომ დაკავებულმა, გ.ჯ.-სთან და მ.კ.-სთან ერთად, ჯგუფურად, თან ნაქონი ბასრი საგნით, მოკვლის განზრახვით, არასრულწლოვან დავით სარალიძეს დაზიანებები მიაყენა. მიყენებული ჭრილობების შედეგად, 2017 წლის 2 დეკემბერს დავით სარალიძე გარდაიცვალა.

შეგახსენებთ, რომ საქმე ეხება 2017 წლის 1-ელ დეკემბერს, ხორავას ქუჩაზე მომხდარ მკვლელობას, რომელსაც ორი მოზარდის - დავით სარალიძისა და ლევან დაუნაშვილის სიცოცხლე ემსხვერპლა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან